دفعہ 370کی منسوخی کے بعد1678 پنڈت مہاجرین کی کشمیرواپسی:مرکزی حکومت

سری نگر:مرکزی حکومت نے منگل کے روزکہاکہ دفعہ370کی منسوخی کے بعد، کل 1678کشمیری پنڈت تارکین وطن وزیراعظم ترقیاتی پیکیج 2015 کے تحت ملازمتیں لینے کے لئے کشمیر واپس آئے ہیں۔مرکزی وزیر مملکت برائے داخلہ نتیانند رائے150 درخواست دہندگان کی زمین بحال کی گئی۔جے کے این ایس مانٹرینگ ڈیسک کے مطابق مرکزی حکومت نے منگل کو پارلیمنٹ کو بتایا کہ آرٹیکل 370 کی منسوخی کے بعد تقریباً 1678 کشمیری پنڈت مہاجرین وزیراعظم ترقیاتی پیکیج 2015کے تحت ملازمتیں لینے کیلئے کشمیر واپس آئے ہیں۔مرکزی وزیر مملکت برائے داخلہ نتیانند رائے نے ایک سوال کے تحریری جواب میں لوک سبھاکوجانکاری فراہم کی کہ حکومت جموں و کشمیر کی طرف سے فراہم کردہ معلومات کے مطابق، آرٹیکل 370 کی منسوخی کے بعد تقریباً 1678 کشمیری پنڈت مہاجرین وزیراعظم ترقیاتی پیکیج 2015کے تحت ملازمتیں لینے کیلئے کشمیر واپس آئے ہیں۔خیال رہے دفعہ 370، جس نے جموں و کشمیر کو خصوصی درجہ دیا تھا، کو مرکزی حکومت نے5، اگست 2019 کو منسوخ کر نے کیساتھ ساتھ سابق ریاست کو2مرکز کے زیر انتظام علاقوں میں تقسیم کر دیا گیا تھا۔ مرکزی وزیر مملکت برائے داخلہ نتیانند رائے نے یہبھی کہا کہ جموں و کشمیر کی حکومت کی طرف سے فراہم کردہ معلومات کے مطابق150 درخواست گزاروں کی زمین کو بحال کر دیا گیا ہے۔وزیرموصوف نے کہا کہ حکومت نے مہاجر ہندوؤں(پنڈتوں) کی آبائی جائیدادوں کو بحال کرنے کیلئے مختلف اقداما ت کئے ہیں۔انہوںنے ایوان کوبتایاکہ جموں و کشمیر مائیگرنٹ امویو ایبل پراپرٹی (پرزرویشن، پروٹیکشن اینڈ ریسٹرینٹ آن ڈسٹریس سیلز) ایکٹ، 1997 کے تحت، جموں و کشمیر کے متعلقہ اضلاع کے ڈسٹرکٹ مجسٹریٹ (ڈی ایم) تارکین وطن کی غیر منقولہ جائیدادوں کے قانونی محافظ ہیں، جو از خود تجاوزات کے معاملات میں بے دخلی کی کارروائی کرتے ہیں۔انہوں نے کہا کہ تارکین وطن ایسے معاملات میں ڈسٹرکٹ مجسٹریٹ سے بھی درخواست کر سکتے ہیں۔ ڈسٹرکٹ مجسٹریٹ کو مزید بااختیار بنایا گیا ہے کہ وہ ایسی جائیدادوں کے تحفظ اور تحفظ کے لیے تمام اقدامات کریں۔امرکزی وزیر مملکت برائے داخلہ نتیانند رائے نے کہا کہ جموں و کشمیر کی حکومت نے اس سلسلے میں کشمیری تارکین وطن کی شکایات کو دور کرنے کیلئے7، ستمبر2021 کو ایک پورٹل شروع کیا ہے۔