سرینگر:وادی کشمیر میںشدید سردی کی لہر کے بیچ گزشتہ شب رواں موسم کی دوسری سرد ترین رات سرینگر میں ریکارڈ کی گئی ۔ ادھر محکمہ موسمیات نے موسمی صورتحال میں تبدیلی کا امکان ظاہر کرتے ہوئے سنیچروار کی شام سے سوموار کے بعد دوپہر تک برفباری او ر بارشوں کی پیشگوئی کی ہے جس کے نتیجے میں سردیوں میںکمی آنے کا امکان ہے ۔ادھر شدید سردی کی وجہ سے لوگوں کو شدید مشکلات کا سامنا کرنا پڑرہا ہے ۔سی این آئی کے مطابق رواں ماہ کے ابتدائی دنوں سے وادی میں شدت کی سردی جاری ہے جبکہ موسم ناسازگار رہنے کے دوران گذشتہ کئی دنوں سے اگرچہ شہر سرینگر اور دیگر قصبہ جات میں موسم خشک رہا اور دن میں ہلکی دھوپ نکلی تھی تاہم جمعہ کی صبح سے ہی ایک بار پھر مطلع ابرآلود رہا جس کی وجہ سے سردی کی شدت میں مزید اضافہ دیکھنے کو ملا ۔ محکمہ موسمیات کے مطابق سرینگر میں منفی 2.4 ڈگری سینٹی گریڈ ریکارڈ کیا گیا جو گزشتہ رات منفی 1.8 ڈگری سینٹی گریڈ تھا۔ یہ یکم دسمبر کے بعد دوسری سرد ترین رات تھی جب پارہ 2.5 ڈگری سینٹی گریڈ تک گر گیا، جو اس سیزن کا سب سے کم درجہ حرارت ریکارڈ کیا گیا۔اسی دوران قاضی گنڈ میں کم از کم درجہ حرارت منفی 1.8 ڈگری سینٹی گریڈ ریکارڈ کیا گیا جو گزشتہ رات منفی 1.5 ڈگری سینٹی گریڈ تھا۔ پہلگام میں کم سے کم درجہ حرارت منفی 4.1 ڈگری سینٹی گریڈ ریکارڈ کیا گیا جو گزشتہ رات منفی 4.2 ڈگری سینٹی گریڈ تھا۔ جنوبی کشمیر کا مشہور ریزورٹ پوری وادی کا سرد ترین مقام تھا۔کوکرناگ میں کم سے کم درجہ حرارت منفی 2.3 ڈگری سینٹی گریڈ ریکارڈ کیا گیا جب کہ گزشتہ رات منفی 1.4 ڈگری سینٹی گریڈ اور معمول کا درجہ حرارت منفی 0.6 ڈگری سینٹی گریڈ تھا۔کپوارہ قصبے میں گزشتہ رات منفی 3.3 ڈگری سینٹی گریڈ کے مقابلے میں کم سے کم 2.8 ڈگری سینٹی گریڈ ریکارڈ کیا گیا۔محکمہ موسمیات کے مطابق گلمرگ میں گزشتہ رات کم سے کم درجہ حرارت منفی 1.0 ڈگری سینٹی گریڈ کے مقابلے میں منفی 1.5 ڈگری سینٹی گریڈ ریکارڈ کیا گیا۔لداخ کے لیہہ میں کم سے کم درجہ حرارت منفی 5.6 ڈگری سینٹی گریڈ ریکارڈ کیا گیا جو گزشتہ رات کے منفی 4.6 ڈگری سینٹی گریڈ کے مقابلے میں تھا جبکہ کارگل شہر میں منفی 4.0 ڈگری سینٹی گریڈ ریکارڈ کیا گیا۔ کرگل میں دراس، سائبیریا کے بعد دنیا کا دوسرا سرد ترین مقام، کم سے کم درجہ حرارت منفی 12.9 ڈگری سینٹی گریڈ ریکارڈ کیا گیا۔ ادھر محکمہ موسمیات نے 4 سے 6 دسمبر کے دوران جموں و کشمیر کے میدانی علاقوں میں ہلکی سے درمیانی برف باری اور بارش کی پیشگوئی کی ہے۔محکمہ موسمیات کے مطابق مغربی ہوائیں جموں کشمیر میں اثر اندوز ہو گئی ہے جس کے نتیجے میں موسمی صورتحال میں تبدیلی کا امکان ہے اور سنیچروار کی شام سے وادی کشمیر میں موسمی صورتحال میں تبدیلی آئی گئی جس کے ساتھ ہی بارشوں اور برفباری ہونے کا امکان ہے ۔ ادھر وادی کشمیر میں شدید سردیوں کے نتیجے میں عام لوگوں کے علاوہ بچوں اور ضعیف العمر افراد کو گھروں سے باہر نکلنے میں بھی مشکلات کا سامنا کرنا پڑرہا ہے ۔ چھوٹے بچے اور بزرگ سردی کی شدت کی وجہ سے اپنے ہی گھروں میں مقید ہوکے رہ گئی۔ جبکہ بزرگوں کو سردی کی وجہ سے ہڑیوں اور جوڑوں میں درد میں اضافہ ہوا ہے ۔خیال رہے کہ وادی کشمیر میں چلہ کلان کی آمد سے قبل ہی شدید سردی کے لہر کے باعث اہلیان وادی کو کافی مشکلات کا سامنا ہے جبکہ رات کے دوران درجہ حرارت منفی ریکارڈ ہونے کے باعث لوگ شدید ٹھنڈ کے چلتے بہت سارے پریشانیوں میں مبتلا ہو چکے ہیں ۔
