سری نگر جموں قومی شاہراہ ہنوز بند، کئی مقامات پر گاڑیاں درماندہ

سری نگر، 9 جنوری…. سری نگر جموں قومی شاہراہ مسلسل دوسرے روز بھی ٹریفک کی آمدورفت کے لئے بند پڑی ہوئی ہے۔
ٹریفک حکام کا کہنا ہے کہ سری نگر جموں شاہراہ کو قابل آمدورفت بنانے کی خاطر جنگی بنیادوں پر کام شروع کیا گیا ہے۔
انہوں نے بتایا کہ شاہراہ پر کئی مقامات پر پسیاں گر آئی ہیں جنہیں صاف کرنے میں کچھ وقت لگ سکتا ہے۔
اُن کے مطابق شاہراہ کو کھولنے کے حوالے سے ابھی کوئی فیصلہ نہیں لیا گیا ہے ۔
انہوں نے کہا کہ اتوار شام تک ٹریفک محکمہ کی جانب سے شاہراہ کو کھولنے کے حوالے سے باضابط طورپر ایک حکم نامہ جاری ہوگا تب تک مسافروں اورڈرائیوروں سے اپیل کی جاتی ہیں کہ وہ کسی بھی صورت میں آگے آنے کی کوشش نہ کریں۔
علاوہ ازیں نگروٹہ کے قریب محکمہ ٹریفک کے اہلکاروں نے لاوڈ سپیکروں پر اعلانات کئے کہ جموں سری نگر شاہراہ پر پسیاں گر آنے کے نتیجے میں اس روڑ کو فی الحال بند کیا گیا ہے۔
انہوں نے کہا کہ محکمہ ٹریفک لوگوں کے جان ومال کو تحفظ فراہم کرنے کی خاطر اپنی ذمہ داریاں خوش اسلو بی کے ساتھ انجام دے رہی ہیں۔
محکمہ ٹریفک کے عہدیداروں نے ڈرائیوروں سے التجا کی ہے کہ سری نگر جموں شاہراہ پر سفر کرنے سے پہلے ٹریفک حکام کے ساتھ رابط قائم کریں ۔ (یو این آئی)