شوپیان//نامور عالم دین و سابق امیر جماعت اسلامی جموں و کشمیر مرحوم مولانا غلام احمد احرار کے بڑے فرزند اور جامع مسجد بونہ گام شوپیان کے امام و خطیب مولانا محمد شفیع احرار حرکت قلب بند ہونے کی وجہ سے انتقال کرگئے۔اُن کی عمر 75سال تھی۔سنیچر کی صبح موصوف کو جموں میں چھاتی میں درد محسوس ہوا تھا جس کے بعد انہیں گورنمنٹ میڈیکل کالج جموں منتقل کیا گیا جہاں وہ دن کے تین بجے حرکت قلب بند ہونے کی وجہ سے انتقال کرگئے ۔سرینگر جموں شاہراہ بند ہونے کے نتیجے میں انہیں میڈیکل کالج کے مردہ خانہ میں رکھا گیا تھااوراتوار کی صبح اُن کی میت کو بذریعہ طیارہ سرینگر منتقل کیاگیا اور شام پانچ بجے آبائی مقبرہ واقع شوپیان میں سپرد لحد کیا گیا۔
