جموں/09جنوری
لیفٹیننٹ گورنر منوج سِنہا نے آج کووِڈ ٹاسک فورس کے اَرکان ، ضلع ترقیاتی کمشنروں اور ایس ایس پیز کے ساتھ ایک اعلیٰ سطحی میٹنگ کے دوران جموںوکشمیر یوٹی میں کووِڈ۔19 کی صورتحال کا جائزہ لیا۔
لیفٹیننٹ گورنر نے ضلعی اِنتظامیہ کو تیاریوں میں تیز لانے اور صحت ٹیموں کو ہر طرح کی مدد فراہم کرنے کی ہدایت دی۔
اُنہوں نے کووِڈ ہیلپ لائینوں کی مو¿ثر فعالیت کو یقینی بنانے، مشترکہ نافذ کرنے والی ٹیموں کوکام پر رکھنے اور وار روموں کو فوری طور پر فعال بنانے کی بھی ہدایت دی۔
لیفٹیننٹ گورنر نے نوڈل اَفسران کو ہدایت دی کہ وہ کووِڈ کِٹس اور ضرورت مند لوگوں کو دیگر اِمداد فراہم کرنے کو یقینی بنائیں۔
اُنہوں نے کہا کہ ہمیں کووِڈ معاملات میں اضافے سے نمٹنے کے لئے پوری طرح تیار رہنا چاہیئے اور فوری طبی اِمداد کے لئے پنچایت سطح پر موجود مرکوزیت نظام کو فعال بنانا چاہیئے۔
ٹیسٹنگ کی صلاحیت بڑھانے کے لئے صوبائی اور ضلعی انتظامیہ کو معاملات میں اضافے والے علاقوں میں مائیکرو کنٹین منٹ زونوں اور ہاٹ سپاٹ کا اعلان کرنے اور عوامی مقامات پر رَش سے بچنے کے لئے واضح ہدایات جاری کی گئی ۔لیفٹیننٹ گورنر نے کہا،” کووِڈ مناسب طرز ِعمل (سی اے بی )کی عمل آوری میں کسی قسم کی کوتاہی برداشت نہیں کی جائے گی۔“
لیفٹیننٹ گورنر نے صوبائی اور ضلعی سطح پر آئی اِی سی مہم چلانے پر زور دیا تاکہ اِنتہائی منتقل ہونے والے مختلف قسم کے خطرات کو اُجاگر کیا جاسکے اور لوگوں کو کووِڈ مناسب طرزِ عمل ( سی اے بی) پر عمل کرنے کی ترغیب دی جاسکے۔
لیفٹیننٹ گورنر نے اَفسران سے کہا،” کل سے ہم اہل آبادی( صحت دیکھ اور فرنٹ لائن ورکروں اور زائد اَز 60برس عمر کے اَفراد ) ویکسین کی بوسٹر ڈوز دینا شروع کریں گے ۔ واک اِن اور رجسٹرڈ اہل آبادی کے لئے تمام ضروری اِنتظامات کئے جائیں ۔“
اُنہوںنے پولیس اہلکاروں ، ہیلتھ ورکروں ، سرکاری ملازمین پر بھی زور دیا کہ وہ عوام کی خدمت کرتے ہوئے تمام اَحتیاطی تدابیر اِختیار کریں۔
ایڈیشنل چیف سیکرٹری صحت و طبی تعلیم وویک بھارد واج نے کووِڈ ۔19 کی صورتحال اور خطرے کی سطح ، جانچ کی صورتحال ، رابطے کا پتہ اور جموںوکشمیر یوٹی بھر میں ٹیکہ کاری کے ضلع وار تجزیہ پر تفصیلی بریفنگ دی۔
اُنہوں نے میٹنگ کو جانکاری دی کہ 15برس سے 18برس تک عمر کے گروپ کے لئے ٹیکہ کاری مہم پورے جموںوکشمیر یوٹی میں آسانی سے جاری ہے۔
اُنہوں نے بتایا کہ 18برس سے زیادہ عمر کی آباد ی کے لئے دوسری خوراک کی 99فیصد کے ساتھ ٹیکہ کاری کے معاملے میں جموںوکشمیر دیگر ریاستوں اور یوٹیوں کے مقابلے بہتر پوزیشن میں ہے۔
میٹنگ میں گذشتہ اِجلاسوں میں منظور کی گئی ہدایات پر عمل درآمد کا بھی جائزہ لیا گیا۔
لیفٹیننٹ گورنر کے مشیر راجیو رائے بھٹناگر ، چیف سیکرٹری ڈاکٹر ارون کمار مہتا ، پرنسپل سیکرٹری داخلہ شالین کابرا، پرنسپل سیکرٹری تعمیراتِ عامہ ( آراینڈ بی) شیلندر کمار، صوبائی کمشنر کشمیر پانڈورانگ کے پولے ، اے ڈی جی پی جموں مکیش سنگھ، صوبائی کمشنر جموں ڈاکٹر راگھو لنگر، آئی جی پی کشمیر وِجے کمار، ڈائریکٹر جنرل خاندانی بہبود ، ایم سی ایچ اور امیونائزیشن ڈاکٹر سلیم الرحمان،مشن ڈائریکٹر این ایچ ایم چودھری محمد یاسین ، ضلع ترقیاتی کمشنر وں اور ایس ایس پیز نے عملی طور پراور بذریعہ ورچیول موڈ میٹنگوں میں حصہ لیا۔
