سرینگر:وزیراعظم نے تکنیک کی اہمیت پر زور دیتے ہوئے کہا ہے کہ یہ آتم نربھر بھارت کی تعمیر میں اہم رول ادا کرے گی۔وزیر اعظم نریندر مودی نے کہا ہے کہ میک ان انڈیا سے بھارت میں اختراعی صلاحیت بڑھ گئی ہے اور سیکورٹی اور خودکفالت کا جذبہ پیدا ہوا ہے ۔ نریندر مودی نے بتایا کہ سائنس اور تکنیک کا شعبہ ڈیجیٹل معیشت کے ساتھ منسلک ہے اور یہ جدید طرز کی تکنیک پر مبنی ہے جس میں تیزی کے ساتھ خدمات بہم پہنچانے اور لوگوں کو بااختیار بنانے پر توجہ مرکوز کی جارہی ہے۔کرنٹ نیوز آف انڈیا کے مطابق وزیراعظم نریندر مودی نے زور دے کر کہا ہے کہ ٹیکنالوجیآتم نربھر بھارت کی تعمیر میں اہم رول ادا کرے گی۔ جناب مودی تکنیک پر مبنی ترقی کیبارے میں بجٹ کے بعد کے ویبنار سے خطاب کررہے تھے۔ وزیراعظم نے اس بات کو اجاگر کیاکہ ٹیکنالوجی عام آدمی کو بااختیار بنانے اور بھارت کو خود کفیل بنانے کا ایک مضبوطوسیلہ ہے۔انھوں نے عوام کے فائدے کے لئے مرکزی بجٹ پر بلارکاوٹ عملدرآمد کو یقینی بنانے پر زور دیا۔ جناب مودی نے کہا کہ سائنس اور تکنیک کا شعبہ ڈیجیٹل معیشت کے ساتھ منسلک ہے اور یہ جدید طرز کی تکنیک پر مبنی ہے جس میں تیزی کے ساتھ خدمات بہم پہنچانے اور لوگوں کو بااختیار بنانے پر توجہ مرکوز کی جارہی ہے۔وزیراعظم نے کہا کہ سرکار جو نئے اقدامات کررہی ہے اس میں تکنیک کے ذریعے خودکفالت پر خاص زور دیا جارہا ہے۔ وزیر اعظم مودی نے کہا کہ مختلف شعبوں میں تکنیک میں میک اِن انڈیاسے سیکورٹی اور خودکفالت کا جذبہ پیدا ہوگا جو وقت کا تقاضہ بھی ہے۔
