سری نگر، 06 مارچ (یو این آئی) جموں وکشمیر پولیس نے دعویٰ کیا ہے کہ وسطی ضلع گاندربل میں سرگرم جنگجو کو قابل اعتراض مواد سمیت گرفتار کیا گیا ہے۔پولیس کے ایک ترجمان نے بتایا کہ 24 آر آر، 115بٹالین سی آر پی ایف اور پولیس نے شوہامہ ناگہ بل کے نزدیک اتوار کے روز ناکہ لگایا جس دوران ایک مشتبہ نوجوان نے راہ فرار اختیار کرنے کی کوشش کی۔انہوں نے بتایا کہ سیکورٹی فورسز نے پیشہ وارانہ صلاحیتوں کو بروئے کار لا کر نوجوان کو دھر دبوچ کر سلاخوں کے پیچھے دھکیل دیا۔اُن کے مطابق گرفتار نوجوان کی شناخت محمد الطاف وانی ولد مرحوم ولی محمد ساکن کیگام شوپیاں کے بطور ہوئی ہے اور وہ ممنوع تنظیم لشکر طیبہ کے ساتھ وابستہ ہے۔پولیس نے معاملے کے متعلق ایک کیس درج کرکے مزید تحقیقات شروع کی ہے۔یو این آئی
