سرینگر//نگران// سرینگر میونسپل کارپوریشن کے میئر جنید متو نے بدھوار کی صبح زینہ کدل جاکر آگ متاثرین دوکانداروں کیساتھ اظہار یکجہتی کی. انہوں نے متاثرین کو یقین دلایا کہ ان کی فوری بازآبادکاری کیلئے جو بھی ممکن ہوگا وہ اقدام اٹھائے جائیں گے.میئر جنید متو کا کہنا تھا کہ وہ اس معاملے سے متعلق ڈپٹی کمشنر سرینگر اعجاز اسعد, کمشنر ایس ایم سی اطہر عامر خان اور محکمہ مال کے افسران کیساتھ دوکانداروں کی فوری بازآبادکاری کے مسئلے پر تبادلہ خیال کریں گے. خیال رہے سرینگر کے زینہ کدل علاقہ میں منگل اور بدھ کی درمیانی شب کو آگ کی ایک ہولناک واردات میں کم از کم آٹھ دوکانات مکمل طور پر خاکستر ہوگئے.