سرینگر//نگران// شہر سرینگر کے نورباغ علاقے میں بدھوار اور جمعرات کی درمیانی شب آگ کی ایک بھیانک واردات میں 22 رہائشی مکانات جل کر خاکستر ہوئے ہیں.
اس دوران آگ پر فوری قابو پانے کے دوران محکمہ فاٰئر اینڈ ایمرجنسی کے اہلکار سمیت چار افراد بھی زخمی ہوگٰئے ہیں.
تفصیلات کے مطابق نورباغ کے گٹہ کالونی میں بدھوار اور جمعرات کی درمیانی شب کو آگ کی ایک بھیانک واردات میں 22 مکانات مکمل طور پر خاکستر ہوگئے ہیں.
عینی شاہدین کے مطابق آگ رات ایک بجے کے قریب ایک رہائشی مکان سے نمودار ہوئی جس نے مختصر مدت میں پھیل کر 22 مکانات کو اپنی لپیٹ میں لیا.
شاہدین کا کہنا تھا کہ حادثہ کے فورا بعد محکمہ فائر اینڈ ایمرجنسی, پولیس اور مقامی لوگوں نے ریسکو آپریشن شروع کیا تاہم آگ نے اسوقت تک 22 مکانات کو اپنی لپیٹ میں لیا تھا.
ادھر آگ پر قابو پانے کے دوران محمکہ فائر اینڈ ایمرجنسی کے ایک اہلکار سمیت چار افراد زخمی ہوگئے ہیں جنہیں علاج و معالجے کیلئے نزدیکی ہسپتال داخل کیا گیا ہے.
خیال رہے شہر سرینگر میں گزشتہ کئی مہینوں کے دوران آگ کی وارداتیں مسلسل رونما ہورہی ہیں. بدھوار کو شہر کے زینہ کدل علاقے میں آگ لگنے کی وجہ سے 8 سے زائد دوکانات خاکستر ہوگئے تھے.