جموں،31 مارچ(یو این آئی): جموں وکشمیر کے ضلع پونچھ کے بفلیاز علاقے میں ایک گاڑی ڈرائیور کے قابو سے باہر ہو کر گہری کھائی میں جاگری جس کے نتیجے میں 9 افراد ہلاک جبکہ 4 دیگر زخمی ہوئے۔
سرکاری ذرائع نے بتایا کہ سرنکوٹ پونچھ کے بفلیاز علاقے میں جمعرات کی سہ پہر کو باراتیوں سے بھری ایک سومو گاڑی تین سو فٹ گہری کھائی میں جاگری جس کی وجہ سے نو افراد ہلاک جبکہ چار شدید طورپر زخمی ہوئے۔
انہوں نے بتایا کہ حادثے کی اطلاع موصول ہوتے ہی پولیس اور مقامی لوگ جائے حادثہ پر جاپہنچے اور زخمیوں کو ہسپتال پہنچایا تاہم ڈاکٹروں نے نو افراد کو مردہ قرار دیا جبکہ چار زخمیوں میں سے کئی ایک کی حالت نازک بنی ہوئی ہے۔
ادھر پولیس ذرائع نے بتایا کہ مقامی رضار کار تنظیم ، پولیس اور آرمی نے زخمیوں کو ہسپتال پہنچایا جن میں سے 9 کو ڈاکٹروں نے مردہ قرار دیا جبکہ باقی 4 شدید زخمی ہوئے ہیں.