سرینگر//نگران// بورڈ آف اسکول ایجوکیشن نے تازہ حکمنامہ کے تحت سرینگر کے میونسپل حدود کے اندر آنیوالے اسکولوں کے اوقات کار میں تبدیلی لائی ہے.
بورڈ کی جانب سے حکمنامہ میں بتایا گیا کہ میونسپل حدود کے تحت آنیوالے سرکاری اور رجسٹرڈ غیرسرکاری اسکولوں میں یکم اپریل سے اوقات کار صبح نو بجے تا سہ پہر تین بجے ہوا کریں گے جبکہ غیر میونسپل حدود کے تحت آنیوالے اسکول صبح دس بجے تا شام چار بجے تک کھلے رہیں گے.
حکم نامہ میں واضح کیا گیا ہے کہ جو اسکول بورڈ کی ہدایات کو پامال کرنے کے مرتکب پائے جائیں گے اُن کیخلاف سخت کارروائی عمل میں لائی جائیگی.
