سرینگر//نگران// جنوبی کشمیر شوپیان کے ترکہ وانگام علاقہ میں جاری جھڑپ ایک مقامی جنگجو کے جاں بحق ہونے کیساتھ ہی اختتام پذیر ہوگئی ہے.
پولیس زرائع نے بتایا کہ جمعرات کی رات دیر گئے شوپیان ترکہ وانگام گاؤں کا 44 آرآر, سی آر پی ایف اور ایس او جی کی مشترکہ جمعیت نے محاصرہ عمل میں لایا اور یہاں چھپے بیٹھے جنگجوؤں کی تلاش کیلئے گھر گھر تلاشی کا آغاز کیا.
پولیس کے بقول جونہی تلاشی پارٹی کا جنگجوؤں کیساتھ آمنا سامنا ہوا تو جنگجوؤں نے فورسز پارٹی پر فائر کھول دیا جس کیساتھ ہی علاقہ میں جھڑپ شروع ہوگئی.
انہوں نے بتایا کہ رات کی تاریکی کے پیش نظر علاقہ میں جنگجو مخالف آپریشن معطل کردیا گیا تھا تاہم صبح پو پھٹنے کیساتھ ہی آپریشن دوبارہ بحال کیا گیا.
پولیس ترجمان کے بقول طرفین کی گولی باری میں لشکر طیبہ سے وابستہ مقامی جنگجو ہلاک ہوگیا جس کی شناخت منیب احمد شیخ ساکن ٹاک محلہ شوپیان کے بطور ہوئی ہے.
پولیس ترجمان نے بتایا کہ ایک جنگجو کی ہلاکت کیساتھ ہی ۔علاقہ میں آپریشن اختتام پذیر ہوا ہے
