سرینگر:مستقبل میں ہرسنبھاؤ چیلنج کیلئے فوج کی قیادت کو تیار ی کی حالت میں رکھا گیا ہے کی بات کرتے ہوئے فوجی سربراہ لیفٹنٹ جنرل ایم ایم نروانے نے کہا کہ مشرقی لداخ میںجاری کشیدگی کے پُر امن کا حل کیلئے کوشاں ہے اور لداخ تنازعہ کو ختم کرنے کیلئے چین کے ساتھ بات چیت جاری ہے۔اسی دوران ایک مرتبہ پھر پاکستان کے نام سخت پیغام دیتے ہوئے فوجی سربراہ لیفٹنٹ جنرل ایم ایم نروانے نے کہا کہ جو بھی لائن آف کنٹرول کو بھارت میں دراندازی کے لئے عبور کرتا ہے اسی کے ساتھ نمٹا جائے گا اور وہ واپس نہیں جاسکیں گے۔سی این آئی مانیٹرنگ کے مطابق فوجی کمانڈوروں کی کانفرنس کے اختتام کے بعد نئی دلی میںمیڈیا کو کانفرنس کی تفصیلات فراہم کرتے ہوئے فوجی سربراہ لیفٹنٹ جنرل ایم ایم نروانے نے کہا کہ آرمی کمانڈرز کانفرنس ایک اعلی سطحی دو سالہ تقریب تھی جس میں تصوراتی سطح پر بات چیت کیلئے ایک ادارہ جاتی پلیٹ فارم تھا، انہوںنے کہا کہ کانفرنس کے دوران، ہندوستانی فوج کی سینئر قیادت فعال سرحدوں کے ساتھ آپریشنل صورتحال کا جائزہ لیا گیاجبکہ تنازعات کے پورے میدان میں خطرات کا جائزہ بھی اس میں لینے کے علاوہ صلاحیت کی نشوونما اور آپریشنل تیاری کے منصوبوں پر مزید توجہ مرکوز کرنے کیلئے صلاحیت کے خلا کا تجزیہ کیا گیا ۔ سرحدی علاقوں میں بنیادی ڈھانچے کی ترقی سے متعلق پہلوئو ں پر بات چیت ہوئی اور مقامی کاری کے ذریعے جدید کاری، نیچ ٹیک کی شمولیت اور روس یوکرین جنگ کے کسی بھی اثرات کا جائزہ بھی طے کئے گئے۔فوجی سربراہ نے مزید کہا کہ علاقائی کمانڈوں کی طرف سے سپانسر کیے گئے ایجنڈا کے مختلف نکات پر سینئر کمانڈروں کے ذریعہ غور و خوض کیا گیا ۔ اس موقعہ پر انہوں نے کہا کہ مستقبل میں ہرسنبھاؤ چیلنج کے لیے فوج کی قیادت کو تیار کیا گیا ہے، اس میں اپرمپراگٹ اور موضوع پر جنگ کی چیلنج بھی شامل ہے۔فوجی سربراہ جنرل ایم ایم نروانے نے کہا کہ جموں کشمیر میں امن و سلامتی کیلئے فوج و فورسز کی کاروروائیاں قابل تعریف ہے ۔ انہوں نے کہا کہ جموں کشمیر میں تعینات سیکورٹی فورسز نے امن کی بحالی کو پہلی ترجیح دی ہے اور جب کبھی بھی انہیں چیلنجوں کا سامنا ہوا تو انہوںنے اس کا ڈٹ کر مقابلہ کیا ۔ جنرل ناروا نے بتایا کہ جموں کشمیر میں سیکورٹی فورسز کامیاب آپریشن انجام دیں رہے ہیں اور سیکورٹی فورسز کسی بھی کوشش کو کامیاب بنانے کیلئے متحرک ہے ۔ انہوں نے پاکستان پر الزام عائد کرتے ہوئے کہا کہ پاکستان جموں کشمیر میں امن کی صورتحال کو خراب کرنے کی ہر ممکن کوشش کر رہا ہے تاہم ان کی کسی بھی کوشش کو کامیاب نہیں ہونے دیا جائے گا ۔ جنرل ایم ایم نروانے نے کہا کہ جو بھی لائن آف کنٹرول کو بھارت میں دراندازی کے لئے عبور کرتا ہے اسی کے ساتھ نمٹا جائے گا اور وہ واپس نہیں جاسکیں گے۔