سرینگر:جنگجو مخالف آپریشنوں میں فورسز کی اعلیٰ کامیابی سے یہ بات عیاں ہوتی ہے کہ ہمارے فوج میں کنتی طاقت ہے کی بات کرتے ہوئے فوجی سربراہ لیفٹنٹ جنرل منوج پانڈے نے کہا کہ عسکریت کے مکمل خاتمہ تک وادی کشمیر میں جنگجو مخالف آپریشن جاری رہیں گے ۔ سی این آئی مانیٹرنگ کے مطابق ایک انگریزی رونامہ کے ساتھ بات کرتے ہوئے فوج کے چیف لیفٹنٹ جنرل منوج پانڈے نے جموں کشمیر کی صورتحال کے بارے میں بات کرتے ہوئے بتایا کہ کشمیری نوجوانوں کو عسکریت پسندی کی جانب مائل کرنے میں پاکستان کا بہت بڑا ہاتھ ہے اور جموںکشمیر میں پاکستان کے حامی مختلف طریقوں سے کشمیری نوجوانوں کوعسکریت کی طرف مائل کرکے انہیں سرحد پار تربیت کیلئے بھیجتے ہیں ۔ انہوں نے کہا کہ کشمیری نوجوانوں کو تعلیم دینے کے بہانے بیشتر نوجوانوں کو عسکریت میں شامل کیا گیا ہے اور بعد میں انہیں مکمل تربیت فراہم کرکے کشمیر واپس روانہ کیا جاتا ہے ۔انہوں نے کہا کہ نوجوانوں سے میری اپیل ہے کہ واپس آجائیں ، آپ کسی بھی وقت واپس آسکتے ہیں ، جب سیکورٹی فورسز کے آپریشن جاری ہے تو بھی آپ ہتھیار ڈال سکتے ہیں۔انہوں نے کہا کہ سال رفتہ میں جنگجوئوں مخالف کارروائی میں فوج کو کافی کامیابی ملی جبکہ امسال بھی جنگجو مخالف آپریشنوں میں اعلیٰ کمانڈروں سمیت درجنوں جنگجوئوں کا ہلاک کیا گیا ۔ لیفٹنٹ جنرل پانڈے نے کہا کہ سال رفتہ میں فورسز کی اعلیٰ کامیابی سے یہ بات سامنے آئی کہ ہمارے فوج میں کنتی طاقت ہے۔ اانہوں نے کہا کہ وادی کشمیر میں عسکریت کے مکمل خاتمہ تک جنگجو مخالف آپریشن جاری رہیں گے جبکہ کنٹرول لائن پر ہو رہی درانداز ی کی کوششوں کو بھی اب زیادہ دیر برداشت نہیں کیا جائے گا۔ انہو ں نے سال رفتہ میں شاندار کامیابی کیلئے فورسز کا مبار ک باد دیتے ہوئے کہا کہ عسکر یت کے مکمل خاتمہ تک آپریشن جاری رہیں گے۔