سرینگر:وادی کشمیر میں آگ کے وارداتوں کا سلسلہ جاری ہے جہاں شہر سرینگر میں مولانا آزاد واقع محکمہ ٹریفک پولیس ہیڈ کواٹرکی بالائی منزل آگ کی واردات میں جزوی نقصان پہنچا ہے جبکہ شمالی کشمیر کے بانڈی پورہ میں اسی طرح کی ایک واردات میںقالین ورک شاپ اور دو منزلہ مکان خاکسترجہاں لاکھوں کی مالیت راکھ کے ڈھیر میں تبدیل ہوئی ہے پولیس اس حوالے سے ایک کیس درج کر کے مزید تحقیقات شروع کی ہے۔کشمیر نیوز سروس ( کے این ایس ) کے مطابق گرمائی دارلحکومت سری نگر میں مولانا آزاد روڈ پر واقع ٹریفک پولیس ہیڈ کوارٹر کی بالائی منزل بدھ کی علی الصبح آگ کی ایک واردات میں جزوی طور پر خاکستر ہوگئی۔سٹی رپوٹر نے بتایا کہ ٹریفک پولیس ہیڈ کوارٹر سری نگر کی بالائی منزل میں بدھ کی علی الصبح قریب ساڑھے چار بجے آگ نمودار ہوگئی۔انہوں نے کہا کہ آگ کی اس واردات میں ہیڈ کوارٹر کی بالائی منزل کو جزوی نقصان پہنچا اور وہاں موجود ٹریفک کنٹرول روم کا ساز و سامان رکھ کے ڈھیر میں تبدیل ہوگیا۔ان کا کہنا تھا کہ آگ لگنے کی وجہ فی الوقت معلوم نہیں ہوسکی ہے۔ادھرشمالی کشمیر کے ضلع بانڈی پورہ کے حاجن علاقے میں آگ کی ایک پر اسرار واردات میں ایک قالین ورک شاپ اور ایک دو منزلہ رہائشی مکان خاکستر ہوگئے۔نمائندے نے بتایا حاجن کے سادونارا گاؤں میں منگل کی شام دیر گئے محمد ایوب وگے نامی ایک شخص کے قالین ورک شاپ اور مشتاق احمد خان اور شہباز احمد خان کے دو منزلہ رہائشی مکان میں آگ نمودار ہوگئی۔انہوں نے کہا کہ آگ لگنے کی خبر پھیلتے ہی مقام لوگ جائے واردات پر جمع ہوگئے اور آگ بھجانے کی کوششوں میں لگ گئے اور اس دوران فائر ٹنڈرس بھی پہنچ گئے۔مقامی لوگوں نے بتایا کہ آگ کی اس وردات میں لاکھوں روپیے مالیت کے قالین راکھ کے ڈھیر میں تبدیل ہوگئے اور دو منزلہ مکان بھی خاکستر ہوگیا۔پولیس نے دنوں واردات کے حوالے سے الگ الگ کیس درج کر کے مزیدتحقیقات شروع کی ہے ۔
