سری نگر:فوج، پولیس اور انٹیلی جنس ایجنسیوں کے اعلیٰ افسران نے جمعرات کو ماچھل یاترا اور امرناتھ یاترا سے قبل سیکورٹی صورتحال کا جائزہ لیا۔جے کے این ایس کے مطابق جموں میں مقیم پی آر ائو ڈیفنس لیفٹنٹ کرنل دیویندر آنند نے بتایا کہ جمعرات کی صبح نگروٹہ میں وائٹ نائٹ کور کے جنرل آفیسر کمانڈنگ لیفٹنٹ جنرل منجندر سنگھ کی زیر صدارت ایک سیکورٹی جائزہ میٹنگ ہوئی۔میٹنگ میں اے ڈی جی پی جموں مکیش سنگھ اور خطے کی مختلف انٹیلی جنس ایجنسیوں کے اعلیٰ حکام نے شرکت کی۔انہوں نے کہا کہ میٹنگ بنیادی طور پر جموں ڈویڑن میں موجودہ سیکورٹی صورتحال پر مرکوز تھی۔لیفٹنٹ کرنل دیویندر آنند نے مزید کہا کہ 25جولائی سے شروع ہونے والی ماچھیل یاترا اور 30جون سے شروع ہونے والی سالانہ امرناتھ یاترا کے لئے حفاظتی اقدامات پر بھی تفصیل سے تبادلہ خیال کیا گیا تاکہ تمام انٹیلی جنس اور سیکورٹی ایجنسیوں کے درمیان ہمہ وقت ہم آہنگی کو یقینی بنایا جا سکے۔خیال رہے 18مئی کوجموںمیں پولیس ،فوج اورفورسزکے اعلیٰ افسران کی ایک میٹنگ منعقد ہوئی تھی ،جس میں ماچھیل یاتراکے پیش نظر سیکورٹی انتظامات کاجائزہ لیاگیا۔کشتواڑ اوردھچن کادوروزہ مکمل کرنے کے بعداے ڈی جی پی جموں زون مکیش سنگھ نے مختلف سیکورٹی ایجنسیوںکے افسران کیساتھ ایک میٹنگ کی ۔انہوںنے میٹنگ کے دوران سیکورٹی حکام کوبتایاکہ ماچھیل سالانہ یاتراہرسال عمومی طورپر25جولائی کوشروع ہوتی ہے ،اسلئے یاترا کیلئے قبل ازوقت سیکورٹی بندوبست کاجائزہ لینے کی ضرورت ہے ۔اے ڈی جی پی جموں مکیش سنگھ نے اس عزم کااظہارکیاکہ اس سالانہ یاترا کے پُرامن انعقاد کویقینی بنانے کیلئے جموں وکشمیر پولیس دیگر سیکورٹی ایجنسیوں کیساتھ ملکر پختہ سیکورٹی انتظامات کرے گی۔
