سری نگر،17جون:جنوبی کشمیر کے نوڈل ترال میں سیکورٹی فورسز نے جنگجو مخالف آپریشن کے دوران آئی ای ڈی بنانے کے لئے درکار سازو سامان،آر پی جی گرینیڈ اور دوسراقابل اعتراض مواد برآمد کرکے ضبط کیا۔پولیس کے ایک ترجمان نے یو این آئی اردو کو بتایا کہ جمعے کے روز اونتی پورہ پولیس،42 آر آر، اور 180بٹالین سی آر پی ایف نے نوڈل ترال میں تلاشی آپریشن شروع کیا۔انہوں نے بتایا کہ آپریشن کے دوران سیکورٹی فورسز نے ایک آر پی جی گرینیڈ، آئی ای ڈی کے لئے درکار سامان اور دوسرا قابل اعتراض مواد برآمد کیا ہے۔اُن کے مطابق اس ضمن میں مختلف دفعات کے تحت کیس درج کرکے مزید تحقیقات شروع کی گئی ہے۔ (یو این آئی)
