سرینگر، 19اگست 2022/ سنٹرل بیورو آف کمیونیکیشن (سی بی سی)، وزارت اطلاعات و نشریات، حکومت ہند کے فیلڈ آفس، اننت ناگ نے آج اننت ناگ کے گجر اور بکروال ہاسٹل میں آزادی کا امرت مہوتسو کے تحت ہر گھر ترنگا پر ایک چھوٹے مربوط مواصلات اور آو ¿ٹ ریچ پروگرام (آئی سی او پی) کا اہتمام کیا۔ ایک روزہ پروگرام کا افتتاح جناب شعیب نور، اسسٹنٹ کمشنر ریونیو، اننت ناگ نے کیا۔ اس پروگرام کا مقصد قبائلی طلباءکو آزادی کا امرت مہوتسو اور ہر گھر ترنگا مہم کے بارے میں آگاہ کرنا تھا۔ ان کے علاوہ قبائلی گجر اور بکروال کمیونٹی کے طلباءکو حکومت ہند اور مرکز کے زیر انتظام جموں و کشمیر کی انتظامیہ کی طرف سے ان کے لیے شروع کیے گئے مختلف اسکالرشپ پروگراموں اور اقدامات کے بارے میں آگاہ کیا گیا۔مہمان خصوصی جناب شعیب نور نے اپنے خطاب میں سی بی سی، اننت ناگ کی طرف سے گجر اور بکروال برادری کے طلباءکے لیے پروگرام منعقد کرنے کے اقدام کی تعریف کی۔ انہوں نے طلباءپر زور دیا کہ وہ انہیں فراہم کی گئی سہولیات اور مواقع سے بھرپور فائدہ اٹھائیں اور اپنی کمیونٹی اور قوم کی ترقی میں اپنا حصہ ڈالیں۔ انہوں نے کہا کہ آزادی کا امرت مہوتسو کے تحت اہداف کے حصول میں نوجوانوں کا اہم کردار ہے۔مہمانوں کا استقبال کرتے ہوئے جناب مدثر امین، میڈیا اینڈ کمیونیکیشن آفیسر، پریس انفارمیشن بیورو (پی آئی بی) جموں نے سامعین کو سی بی سی اور پی آئی بی کے مینڈیٹ کے بارے میں آگاہ کیا۔ انہوں نے ہر گھر ترنگا اور آزادی کا امرت مہوتسو مہم کے پیچھے مقاصد اور وژن کا تفصیلی جائزہ پیش کیا۔جلسے سے خطاب کرتے ہوئے جناب رفاقت علی کسانہ، وارڈن، گجر اور بکروال ہاسٹل، اننت ناگ نے پسماندہ طبقوں کے طلبہ اور نوجوانوں کے لیے اس طرح کے مزید بیداری پروگرام منعقد کرنے کی ضرورت پر زور دیا اور طلبہ سے کہا کہ وہ اپنے مقاصد کو حاصل کرنے کے لیے سخت محنت کریں۔فیلڈ پبلسٹی آفیسر، سی بی سی، فیلڈ آفس اننت ناگ، جناب شاہد محمد لون نے تحریک شکرانہ پیش کیا اور سی بی سی، جموں و کشمیر اور لداخ ریجن کی طرف سے جموں و کشمیر اور لداخ کے مختلف حصوں میں کی جانے والی مختلف سرگرمیوں کے بارے میں آگاہ کیا۔ انہوں نے قبائلی برادریوں کی فلاح و بہبود کے لیے حکومت کی طرف سے چلائی جانے والی مختلف اسکیموں اور اقدامات خاص طور پر تعلیم اور ہنرمندی کی ترقی کے شعبے میں، کے بارے میں بھی تفصیل سے بتایا۔سی بی سی، اننت ناگ نے شرکاءکی بیداری کے لیے آزادی کا امرت مہوتسو اور ہر گھر ترنگا پر معلوماتی سٹینڈز لگائے تھے۔ اس کے علاوہ طلبہ میں آگاہی کا پرنٹ شدہ مواد بھی تقسیم کیا گیا۔ تھیم پر مبنی ثقافتی پروگرام سی بی سی، جموں و کشمیر اور لداخ کے پرائیویٹ رجسٹرڈ گروپ نے پیش کیے۔تقریب کے اختتام پر، پری پبلسٹی سرگرمیوں کے حصے کے طور پر منعقد کیے گئے کوئز اور پینٹنگ مقابلوں کے جیتنے والوں کو بیورو کی جانب سے انعامات سے نوازا گیا۔
