پونچھ؍۱۲؍ اکتوبر؍
پونچھ ضلع میں کل رات آسمانی بجلی گرنے سے ایک 24 سالہ خاتون کی موت ہو گئی، پولیس ذرائع کے مطابق خاتون سلیمہ کوثر دختر محمد زمان پر اُس وقت آسمانی بجلی گر گئی جب وہ مینڈھر پونچھ کے بالاکوٹ میں اپنے گھر کے قریب مویشیوں کو چارہ دینے جا رہی تھی۔ایس ایچ او مینڈھر نیاز احمد نے ایک مقامی خبر رساں ادارے جی این ایس کو اس واقعہ کی تصدیق کرتے ہوئے کہا کہ اس سلسلے میں ایک کیس درج کیا گیا ہے۔
