سری نگر:جموںو کشمیر کے لیفٹیننٹ گورنر منوج سنہا نے پیر کو کہا کہ بدعنوانی سے پاک جموں و کشمیر کی تعمیر کرنا حکومت کا عزم ہے اور انہوں نے مزید کہا کہ بدعنوانی میں ملوث کسی کو بھی نہیں بخشا جائے گا۔ایل جی سنہا نے یہ باتیں ویجیلنس بیداری ہفتہ کی افتتاحی تقریب میں شرکت کے دوران کہیں۔ انہوں نے کہا کہ "بدعنوانی سے پاک جموں و کشمیر کی تعمیر کا ہمارا عزم ہے اور بدعنوانی میں ملوث کسی کو بھی نہیں بخشا جائے گا۔بدعنوانی کے خلاف سب سے طاقتور ہتھیار فعال شہری ہے۔ ہم سب کو مل کر اسے نظام سے جڑ سے اکھاڑ پھینکنے کا عہد کرنا چاہیے۔ انہوں نے کہا کہ نظام کو جدید ٹیکنالوجی کے استعمال اور انتظامی اصلاحات کے ذریعے مضبوط کیا جا رہا ہے جس میں بے ترتیب پن اور صوابدید کی کوئی گنجائش نہیں ہے۔ ہم خدمات کی ہموار فراہمی کے لیے ہر سطح پر موثر، شفاف اور جوابدہ نظام کی تعمیر جاری رکھے ہوئے ہیں۔