سری نگر،7 دسمبر:جنوبی کشمیر کے ضلع شوپیاں کے واتھو علاقے میں سیکورٹی فورسز اور جنگجوؤں کے درمیان تصادم شروع ہوا ہے۔کشمیر زون پولیس نے اپنے ٹویٹر ہینڈل پر ایک ٹویٹ میں جانکاری فراہم کرتے ہوئے کہا: ’شوپیاں کے واتھو علاقے میں انکاؤنٹر شروع ہوا ہے‘۔
ٹویٹ میں کہا گیا کہ پولیس اور سیکورٹی فورسز کام پر لگے ہوئے ہیں۔
پولیس نے بتایا کہ بدھ کو جموں و کشمیر کے شوپیاں ضلع میں عسکریت پسندوں اور سیکورٹی فورسز کے درمیان تصادم ہوا۔ایک پولیس اہلکار نے بتایا کہ شوپیاں کے واٹھو علاقے میں عسکریت پسندوں کی موجودگی کی اطلاع ملنے پر سیکورٹی فورسز نے محاصرے اور تلاشی کی کارروائی شروع کی۔
انہوں نے بتایا کہ آپریشن کے دوران چھپے ہوئے عسکریت پسندوں نے سیکورٹی فورسز پر فائرنگ کی جس کے نتیجے میں دونوں فریقوں کے درمیان گولی باری ہوئی۔
انہوں نے مزید کہا کہ ابھی تک کسی جانی نقصان کی کوئی اطلاع نہیں ہے۔