/بارہمولہ / بانڈی پورہ
لیفٹیننٹ گورنر منوج سِنہا نے آج بارہمولہ اور بانڈی پورہ میں پی ایم پیکیج کے ملازمین کے لئے ٹرانزٹ رہائش کے جاری تعمیراتی کام کی سائٹ کا معائینہ کر کے جائزہ لیا۔لیفٹیننٹ گورنر نے دونوں مقامات پر جاری کام کی پیش رفت کا جائزہ لیا اور تمام کاموں کی بروقت تکمیل پر زور دیا۔ اُنہوں نے بارہمولہ اور بانڈی پورہ میں مصروف اَفسران اور اِنجینئروں سے بات چیت کی۔ متعلقہ ضلع ترقیاتی کمشنروں نے لیفٹیننٹ گورنر کو بجلی ، پانی کی فراہمی اور دیگر اِضافی کاموں سمیت مختلف محکموں سے متعلق کاموں کی پیش رفت سے متعلق جانکاری دی۔اِس موقعہ پر چیف سیکرٹری ڈاکٹر ارون کمار مہتا ، صوبائی کمشنر کشمیر پانڈورانگ کے پولے، اے ڈی جی پی کشمیر وِجے کمار، کمشنر سیکرٹری ریونیو وِجے کما ربدھوری ، ضلع ترقیاتی کمشنر بارہمولہ ڈاکٹر سیّدسحرش اَصغر ، ضلعترقیاتی کمشنر بانڈی پورہ ڈاکٹر اویس احمد اور دیگر متعلقہ اَفسران موجود تھے۔
