سرینگر۔ 17؍ دسمبر؍ڈپٹی کمشنر آفس بڈگام میں ایک پروقار تقریب کا انعقاد کیا گیا جس میں ڈپٹی کمشنر بڈگام، ایس ایف حامد آئی اے ایس نے آج بین الاقوامی وہیل چیئر باسکٹ بال کھلاڑی انشاء بشیر کو ان کی مجموعی کامیابیوں اور حال ہی میں نومبر 2022 میں بین الاقوامی سطح پر سلور میڈل جیتنے پر مبارکباد دی۔ یہاں یہ بات قابل ذکر ہے کہ انشاء بشیر بڈگام کی پہلے بین الاقوامی وہیل چیئر باسکٹ بال کھلاڑی کو جے کے کی وہیل چیئر باسکٹ بال ٹیم کا کپتان منتخب کیا گیا ہے۔ انشاء بشیر کے ساتھ بات چیت کے دوران ڈی سی نے انہیں بین الاقوامی سطح پر سلور میڈل جیتنے پر مبارکباد دی اور اسے جموں و کشمیر بالعموم اور ضلع بڈگام کے لیے بالخصوص فخر قرار دیا۔ انشا بشیر نے اپنی کامیابی کا تجربہ بھی شیئر کیا .انہوں نے کہا کہ وہ ملک کے لیے پیرا اولمپکس میں گولڈ میڈل جیتنا چاہتی ہیں .اپنی کامیابیوں کا اضافہ کرتے ہوئے انہوں نے کہا کہ وہ چاندی کا تمغہ جیتنے کے بعد بے حد خوش ہیں اور اپنی اس کامیابی پر نیشنل ایوارڈ حاصل کرنا ان کی شاندار کامیابی ہے۔انشا بشیر نے کہا کہ جب سے وہ اس حادثے کا شکار ہوئی ہیں وہ سخت محنت کر رہی ہیں اور ہوم ڈسٹرکٹ انتظامیہ کی جانب سے انہیں مبارکباد دینا ان کے لیے فخر کا لمحہ ہے۔ انہوں نے ہر تعاون پر ضلعی انتظامیہ کا شکریہ بھی ادا کیا۔اعزازی تقریب میں ڈسٹرکٹ سوشل ویلفیئر آفیسر ڈاکٹر فرحانہ اصغر، ڈسٹرکٹ پروگرام آفیسر آئی سی ڈی ایس بڈگام، ڈسٹرکٹ انفارمیشن آفیسر بڈگام، ضلع کے دیگر افسران اور اہلکار موجود تھے۔
