سری نگر//جنوبی کشمیر کے منجھ مرگ شوپیان میں فورسز اور ملی ٹینٹوں کے درمیان ایک مسلح تصادم آرائی میں لشکرطیبہ کے3ملی ٹینٹو ں کو مار گرایا ہے ۔پولیس نے ایک ٹویٹ میں بتایا جاں بحق ملی ٹینٹوں میں لطیف لون کشمیری پنڈت شری پورنہ کرشنا بٹ کی ہلاکت میں ملوث تھا جبکہ عمر نذیر نیپال کے تل بہادر تھاپا کی ہلاکت میں ملوث تھا۔کشمیر نیوز سروس( کے این ایس) کے مطابق جنوبی کشمیر کی پہاڑی ضلع شوپیان میں فوج نے 19اور20دسمبر کی درمیانی رات کو منجھ مرگ نامی علاقے میںملی ٹینٹوں کی موجود گی کے حوالے سے ایک مخصوص اور مصدقہ اطلاع موصول ہونے کے بعد دوران شب ہی علاقے کو محاصرے میں لیا ہے جس دوراناور دوران شب پہ علاقے میں تلاشی آپریشن شروع کیا ہے پولیس نے بتایا جب فورسز نے کی تلاشی پارٹی مشتبہ مقام کے قریب پہنچی ہے تو یہاں چھپے ملی ٹینٹوں نے اندھا دھند گولیاں چلائی جس کے نتیجے میں طرفین کے درمیان گولیوں کا شدید تبادلہ ہوا ہے جو کچھ وقت تک جاری رہا ہے پولیس نے بتایا اس تصادم آرائی کی جگہ بعد میں 3ملی ٹینٹوں کی لاشوں کو برآمد کیا گیا ہے ۔ کشمیر زون پولیس نے اپنے ٹویٹر ہینڈل پر ایک ٹویٹ میں جانکاری فراہم کرتے ہوئے کہا: ’شوپیاں انکاؤنٹر: لشکر طیبہ سے وابستہ تین ملی ٹینٹ مارے گئے‘۔انہوں نے اپنے ایک اور ٹویٹ میں مہلوکین میں سے دو ملی ٹینٹوں کی شناخت لطیف لون ساکن شوپیاں اور عمر نذیر ساکن اننت ناگ کے بطور کی۔ٹویٹ میں کہا گیا: ’لطیف لون کشمیری پنڈت شری پورنہ کرشنا بٹ کی ہلاکت میں ملوث تھا جبکہ عمر نذیر نیپال کے تل بہادر تھاپا کی ہلاکت میں ملوث تھا‘۔پولیس نے کہا کہ مہلوک ملی ٹینٹوں کی تحویل سے ایک اے کے سنتالیس رائفل اور دو پستول برآمد کئے گئے۔
