شوپیان؍20جنوری؍
ضلع ترقیاتی کمشنر شوپیان سچن کمار واشیا نے آج شوپیان ٹائون کے ڈرافٹ ماسٹر پلان اور دیرپا سٹی ڈیولپمنٹ پلان پر ایک جائزہ میٹنگ کی صدارت کی۔ابتداً، ضلع ترقیاتی کمشنرنے شہری ترقی کے 8منصوبوںپر غوروخوض کیا جس میں سٹی ڈیولپمنٹ پلان ، سٹی لائیو لی ہڈ پلان ، سٹی سمارٹ وینڈنگ پلان ، سٹی ٹوراِزم اینڈ کلچر پلان ، انوائرمنٹ فری ٹائون پلان ، گرین سٹی پلان ، فیکیڈامپر وومنٹ پلان، ڈرنیج ،سیوریج اور سٹریٹ لائٹنگ پلان شامل ہیں ۔
ضلع ترقیاتی کمشنر نے دیر پا او رسمارٹ لائنوں پر عمل درآمد کے عمل کو تیز کرنے کے لئے کہا۔اُنہوں نے شہری ترقی کے حوالے سے اہم سنگ میل بڑھانے کی ہدایات بھی دیں ۔اُنہوں نے کہا کہ ڈرافٹ ماسٹر پلان جو کہ لوگوں کی ضروریات اور ماحولیات کو مدنظر رکھتے ہوئے اورترقی کی حدود کا احترام کرنے کے ساتھ ساتھ ترقی کے لئے نئے شعبوں کا جائزہ لینے کے لئے بھی تیار کیا جانا چاہیے۔
میٹنگ میں صدر میونسپل کونسل شوپیاں ، کونسلروں ، اِی او ایم سی شوپیاں ، پی ایچ اِی،آر اینڈ بی اور پی ڈی ڈی کے ایگزیکٹیو اِنجینئروں ، سیکرٹری ایم سی شوپیاں اور دیگر متعلقین نے شرکت کی۔
