مانیٹرنگ
سرینگر:جموں و کشمیر پولیس پبلک اسکول بمنہ، سری نگر کی طالبہ خطیبہ ارشد نے 10 ویں سب جونیئر اور جونیئر (بوائز اینڈ گرلز( نیشنل پینک سلات چیمپئن شپ 2022-2023 میں گولڈ میڈل جیتا۔ چیمپئن شپ 13 سے 16 جنوری تک ضلع اسپورٹس کمپلیکس، شری گرو گوبند جی اسٹیڈیم، ناندیڑ مہاراشٹر میں منعقد ہوئی۔ 06 سالہ خطیبہ ارشد نے اپنی کیٹگری میں شاندار کارکردگی کا مظاہرہ کرتے ہوئے گولڈ میڈل جیتا۔ خطیبہ جس کا تعلق سری نگر شہر کے سید پورہ عیدگاہ علاقے سے ہے، پینک سیلات ٹیم کے ہندوستانی دستے کا حصہ تھا جس میں 42 ارکان شامل تھے جن میں ملک بھر سے 36 کھلاڑی، کوچ اور عملہ شامل تھا جس میں جموں و کشمیر کے آٹھ کھلاڑی اور تین کوچ شامل تھے۔ قومی مقابلے میں اپنے اسکول کی نمائندگی کرنا اور یہ باوقار گولڈ میڈل جیتنا اس کے لیے فخر کی بات تھی۔ جے کے پولیس پبلک اسکول کے پرنسپل اور انتظامیہ نے، اس کی کامیابی پر خوشی کا اظہار کرتے ہوئے، خطیبہ اور اس کے خاندان کو دلی مبارکباد پیش کی ہے۔
