مانیٹرنگ
پونچھ //پیر پنجال خطے کے اپنے جاری دورے کے ایک حصے کے طور پر، ڈائریکٹر، جموں و کشمیر انٹرپرینیورشپ ڈیولپمنٹ انسٹی ٹیوٹ ،اعجاز احمد بھٹ نے آج پونچھ میں ایک میگا انٹرپرینیورشپ بیداری پروگرام کا افتتاح کیا۔ اس دورے کا مقصد اس حقیقت کو تسلیم کرنا ہے کہ دور دراز کے علاقے اور سرحدی اضلاع مرکز کے زیر انتظام علاقے میں مجموعی کاروباری ماحولیات کو مضبوط بنانے میں اہم کردار ادا کرتے ہیں۔جے کے ای ڈی آئی نے گورنمنٹ ڈگری کالج، پونچھ اور یونیورسٹی آف جموں، پونچھ کیمپس کے اشتراک سے ایک روزہ بیداری پروگرام کا انعقاد کیا۔ اس طرح کے اقدامات کے پیچھے مقصد نوجوان ذہنوں کو ابتدائی مرحلے میں ایک کاروباری ذہنیت تیار کرنے کے قابل بنانا ہے۔ اس سے وہ کاروباری منصوبے شروع کرنے کے چیلنجوں پر قابو پا سکیں گے۔اس سے ضلع کے مختلف اسکولوں، کالجوں اور یونیورسٹیوں کے طلبہ میں تنقیدی سوچ اور اختراع کی بھی حوصلہ افزائی ہوگی۔ جے کے ای ڈی آئی کے مختلف اسکولوں اور کالجوں میں انٹرپرینیورشپ کے موضوع کے گرد گھومتے ہوئے مختصر مدت کے کورسز شروع کرنے کا منصوبہ بنا رہا ہے۔ طویل مدت میں، انڈرگریجویٹ اور پوسٹ گریجویٹ کورسز بھی پیش کیے جائیں گے۔ یہ قدم جموں و کشمیر میں ایک مضبوط کاروباری ثقافت بنانے میں مدد کرے گا۔ بے روزگاری ایک سنگین چیلنج ہے اور خود روزگار اور کاروبار اس خطرے کا مقابلہ کر سکتے ہیں۔ ہمیں اختراعی بننا ہے اور ہمارے پاس دستیاب مقامی خام مال اور وسائل کو استعمال کرنا ہوگا۔جے کے ای ڈی آئی کے عہدیداروں نے قومی اقلیتی ترقی اور مالیاتی کارپوریشن (این ایم ڈی ایف سی) کے تحت ٹرم لون اسکیم کے فوائد کا بھی شمار کیا اور بتایا کہ حکومت کا یہ اقدام اقلیتی برادری میں کس طرح خود روزگار پیدا کررہا ہے۔ آنے والے دنوں میں، انسٹی ٹیوٹ مختلف انٹرپرینیورشپ اور خود روزگار سے متعلق اسکیموں کا ایک مجموعہ جاری کر رہا ہے۔ یہ جموںو کشمیر کے نوجوانوں کے لیے ایک بہت بڑی مدد ہوگی اور انہیں باخبر کیریئر کے انتخاب کرنے کے قابل بنائے گی۔
