مانیٹرنگ//
سرینگر:این جی او فنڈنگ معاملے میں قومی تحقیقاتی ایجنسی ( این آئی اے ) کے ہاتھوں گرفتار کشمیری صحافی کو 10روز ہ این آئی اے تحویل میں دیا گیا ہے ۔ سی این آئی کے مطابق ملی ٹنسی کیلئے این جی او فنڈنگ معاملے میں گرفتار کئے گئے کشمیری صحافی عرفان معراج کو قومی تحقیقاتی ایجنسی ( این آئی اے ) نے دلی کی ایک عدالت میں پیش کیا جس کے بعد انہیں دس روزہ این آئی اے تحویل میں بھیج دیا گیا ۔ معلوم ہوا ہے کہ دہلی کی ایک عدالت نے کشمیری صحافی عرفان مہراج کو غیر قانونی سرگرمیاں (روک تھام) ایکٹ کے تحت درج ایک کیس میں 10 دن کے لیے این آئی اے کی تحویل میں دے دیا۔معراج کو جانچ ایجنسی نے پیر کو سرینگر سے گرفتار کیا تھا اور اسے قومی دارالحکومت میں پٹیالہ ہاؤس کورٹس کے خصوصی این آئی اے جج کے سامنے پیش کیا گیا تھا۔ مرکزی ایجنسی نے مہراج سے پوچھ گچھ کیلئے 12 دن کی تحویل مانگی جس کے بعد عدالت نے انہیں د س روزہ تک این آئی اے تحویل میں دینے کا حکم دیا ۔
