جموں و کشمیر میں مزید بارشیں کا امکان ،شبانہ درجہ حرارت معمول سے کم ریکارڈ

مانیٹرنگ//
سری نگر،6 اپریل: وادی کشمیر میں بارشوں کے بیچ شبانہ درجہ حرارت معمول سے نیچے درج ہوا ہے۔
محکمہ موسمیات کے مطابق وادی میں جہاں گذشتہ چوبیس گھنٹوں کے دوران بارشیں ہوئیں وہیں اگلے چوبیس گھنٹوں کے دوران گرج چمک کے ساتھ بارشوں کا امکان ہے۔
متعلقہ محکمے کے ایک ترجمان نے بتایا کہ سری نگر میں گذشتہ چوبیس گھنٹوں کے دوران 3.4 ملی میٹر بارش ریکارڈ ہوئی ہے جبکہ قاضی گنڈ میں 9.9 ملی میٹر، پہلگام میں4.4 ملی میٹر، گلمرگ میں 10.8 ملی میٹر اور کپوارہ میں 9.1 ملی میٹر بارش ریکارڈ ہوئی ہے۔
انہوں نے کہا کہ وادی میں اگلے چوبیس گھنٹوں کے دوران بھی کہیں کہیں بارش ہونے کا امکان ہے۔
ان کا کہنا تھا کہ بعد ازاں وادی میں 7 اپریل سے 10 اپریل تک موسم مجموعی طور پر خشک رہنے کی توقع ہے۔
دریں اثنا بارشوں کے بیچ وادی میں شبانہ درجہ حرارت معمول سے کم ہی ریکارڈ ہوا ہے۔
گرمائی دارلحکومت سری نگر میں کم سے کم درجہ حرارت 6.3 ڈگری سینٹی گریڈ ریکارڈ کیا گیا جو معمول سے0.6 ڈگری سینٹی گریڈ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی 1.6 ڈگری سینٹی گریڈ ریکارڈ کیا گیا جو معمول سے2.1 ڈگری سینٹی گریڈ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت منفی2.4 ڈگری سینٹی گریڈ ریکارڈ کیا گیا جو معمول سے 0.2 ڈگری سینٹی گریڈ زیادہ ریکارڈ ہوا تھا۔
سرحدی ضلع کپوارہ میں کم سے کم درجہ حرارت 3.6 ڈگری سینٹی گریڈ ریکارڈ کیا گیا جو معمول سے1.9 ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت4.0 ڈگری سینٹی گریڈ ریکارڈ کیا گیا جو معمول سے1.7 ڈگری سینٹی گریڈ کم ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی2.0 ڈگری سینٹی گریڈ ریکارڈ کیا گیا جبکہ ضلع کرگل میں کم سے کم درجہ حرارت منفی 4.0 ڈگری سینٹی گریڈ ریکارڈ ہوا ہے۔