سرینگر /05دسمبر:جموں و کشمیر میں پہلے پتھراؤ کے واقعات ہوتے تھے لیکن آج ایسے واقعات نہیں ہیںکی بات کرتے ہوئے مرکزی وزیر انوراگ ٹھاکر نے کہا کہ آج نہ صرف لال چوک بلکہ کشمیر کی ہر گلی میں ہندوستانی جھنڈا لہرا رہا ہے۔ سٹار نیوز نیٹ ورک کے مطابق لوک سبھا میں تبصرہ کرتے ہوئے مرکزی وزیر اطلاعات و رابطہ عامہ انوراگ ٹھاکر نے جموں کشمیر کی ذکر کرتے ہوئے کہا کہ وہ جگہ جس کو ایک دن تشدد اور ہڑتالوں کیلئے جانا جاتا ہے وہیں آج مکمل امن ہے ۔انہوں نے کہا کہ جموں کشمیر خاص طور پر وادی سے آئے روز پتھراؤ کے واقعات کی خبر آتی تھی تاہم آج ایسا کچھ نہیں ہے ۔ انہوں نے کہا ’’جموں و کشمیر میں پہلے پتھراؤ کے واقعات ہوتے تھے لیکن آج ایسے واقعات نہیں ‘‘ ۔ ٹھا کر نے کہا کہ آج نہ صرف لال چوک بلکہ کشمیر کی ہر گلی میں ہندوستانی جھنڈا لہرا رہا ہے۔ اس موقعہ پر چھتیس گڑھ میں نکسل واد تشدد پر بھی بات کرتے ہوئے انوراگ ٹھاکر نے ریاست میں نکسل خطرہ میں کمی کے لیے مرکز کی تعریف کی۔ بھوپیش بگھیل کا کہنا ہے کہ حکومت ’گھپلے اور مافیا’ میں سے ایک‘ ہے۔انہوں نے مزید کہا کہ ایل ڈبلیو ای سے متاثرہ ریاستوں کیلئے چھتیس گڑھ کے 148 سمیت 704 فورٹیفائیڈ پولیس اسٹیشنز (ایف پی ایس) منظور کیے گئے ہیں۔ ان میں سے 603 ایف پی ایس بشمول 120 چھتیس گڑھ میں تعمیر کیے گئے ہیں۔ انہوں نے مزید کہا کہ تعمیر شدہ 603 ایف پی ایس میں سے 537 ایف پی ایس مئی 2014 کے بعد تعمیر کیے گئے ہیں۔انوراگ ٹھاکر نے کہا کہ مرکز سرکار جموں کشمیر میں امن قائم کرنے کیلئے سنجیدہ ہے اور اس میں کوئی بھی کوتاہی نہیںکر سکتے ہیں ۔
