بارہمولہ /18 ؍دسمبر2023ء
ناظم سکولی تعلیم کشمیر تصدق حسین میر نے آج یہاں سی ای او آفس میں محکمہ تعلیم بارہمولہ کے زیر اہتمام تعلیمی انتظامی مہارتوں اور آئی ٹی سے متعلق 9 روزہ تربیتی ورکشاپ کا اِفتتاح کیا۔
چیف ایجوکیشن آفیسربارہمولہ بلبیر سنگھ رینہ کی قیادت میں شروع کی گئی اِس پہل نے ضلع بارہمولہ کے سرکاری تعلیمی اِداروں کے اَصولوں ، ہیڈ ماسٹروں اور زونل ایجوکیشن اَفسران کو اِکٹھا کیا ۔
ورکشاپ کا مقصد محکمہ تعلیم میں 250 ڈرائنگ اور ڈسبرسنگ اَفسران( ڈی ڈی اوز) کو ضروری اِنتظامی اورآئی ٹی مہارتوں کے ساتھ بااِختیار بنانا ہے۔
ورکشاپ ماڈیولز میں ایمپلائز سروس کنڈکٹ رولز، لیو رولز، جے کے ایٹنڈنس پورٹل اور یو ایل ایل اے ایس، ودیانجلی، این بی ایس ایم، یو ڈی آئی ایس ای پلس،سمکھشا، سپیرو پورٹل کے ساتھ ساتھ اکاؤنٹس سے متعلق پلیٹ فارموں جیسے پی ایم ایف ایس، بی اِی اے ایم ایس ، جے کے پے سسٹم اور جی ای ایم پورٹل جی ایف آر رولز کے آپریشن پر جامع بیداری سیشن شامل ہے۔
اِس ورکشاپ کی ایک مخصوص خصوصیت یہ تھی کہ اس مخصوص مقصد کے لئے اسپریشنل ڈسٹرکٹ پروگرام کے تحت قائم کردہ تکنیکی طور پر جدید ’ٹیچر اِنفارمیٹکس سینٹر‘ کے اندر ہینڈ آن ٹریننگ کو شامل کیا گیا ہے۔
ناظم سکولی تعلیم کشمیر نے اس اَقدام کو سراہتے ہوئے ضلعی اِنتظامیہ کی جانب سے اسپریشنل ڈسٹرکٹ پروگرام کے تحت ٹیچر انفارمیٹکس سینٹر کے قیام کی کوششوںکااعتراف کیا۔ اُنہوں نے دوسرے اَضلاع کو بھی اِس ماڈل کو اَپنانے کی ترغیب دی۔
اُنہوں نے دورے کے دوران ڈیجیٹل سٹوڈیو کی فعالیت، تیار کردہ لیکچرز کے معیار اور آن لائن نشریات کے طریقہ کار کا جائزہ لیا۔
یہ ورکشاپ بارہمولہ میں محکمہ تعلیم کے مستقبل کے نقطہ نظر کی عکاسی کرتی ہے جس سے تعلیمی طریقوں کو آگے بڑھانے اور ٹیکنالوجی کو مربوط کرنے کے اس کے عزم کو تقویت ملتی ہے۔
