سرینگر /18اگست//وزیر اعظم مودی نے جموں و کشمیر کو ترقی اور اعتماد کی راہ پر گامزن کیا ہے کی بات کرتے ہوئے بی جے پی کے قومی جنرل سیکرٹری اور جموں کشمیر انچارج ترون چھگ کہا کہ ہر شہری 5 لاکھ روپے کا میڈیکل انشورنس حاصل کر رہا ہے۔ ہر شعبے میں ترقی کے نئے سنگ میل حاصل کیے جا رہے ہیں۔ سی این آئی کے مطابق جموں میں ایک تقریب کے حاشیہ پر میڈیا سے بات کرتے ہوئے بی جے پی کے قومی جنرل سیکرٹری اور جموں کشمیر انچارج ترون چھگ نے کہا کہ بی جے پی اسمبلی انتخابات کے لیے پوری طرح تیار ہے: انہوں نے کہا کہ بی جے پی (بھارتیہ جنتا پارٹی) ملک میں جمہوریت اور انتخابی نظام کا احترام کرتی ہے۔ دنیا کی سب سے بڑی جمہوری قوم کے طور پر بھارت کی تعریف کرتے ہوئے چھگ نے اس بات پر روشنی ڈالی کہ ملک کے پاس ایک آزاد اور باعزت الیکشن کمیشن ہے جو انتخابات کرواتا ہے، جس کی تعریف دیگر اقوام ایک تحریک کے طور پر کرتی ہیں۔ الیکشن کمیشن کی جانب سے وادی میں انتخابات کی تاریخوں کا اعلان کرنے کے ساتھ چھگ نے تصدیق کی کہ بی جے پی حصہ لینے کیلئے تیار ہے۔ وادی میں وزیر اعظم نریندر مودی کے کام کو سراہتے ہوئے انہوں نے کہا کہ کہ یہ خطہ پہلے گاندھی، نہرو، مفتی اور عبداللہ خاندان کی قیادت میں دہشت گردی کا گڑھ تھا۔ لیکن، مودی جی نے آرٹیکل 370 کی منسوخی کے بعد وادی کو سیاحتی مرکز میں تبدیل کرکے اس میں اہم ترقی کی ہے۔
