نگران نیوز
سری نگر// سرینگر میں پولیس نے شہر میں دہشت گردوںکو لاجسٹک سپورٹ فراہم کرنے کے الزام میں ایک خاتون سمیت چار اوور گرانڈ ورکرز (او جی ڈبلیوز)کو گرفتار کیا ہے۔ایک سینئر پولیس افسر نے بتایا کہ یہ گرفتاریاں بدھ کی رات سرینگر کے حضرت بل علاقے سے ایک ٹارگٹڈ آپریشن کے دوران کی گئیں۔انہوں نے بتایا کہ گرفتار افراد کی شناخت ظہور احمد میر، بشیر احمد بھٹ، غلام محمد بٹ اور شازیہ محمد کے طور پر کی گئی ہے، جو تمام حضرت بل کے رہائشی ہیں۔افسر نے بتایا کہ آپریشن کے دوران ان کے قبضے سے ایک ہینڈ گرینیڈ، AK-47 کے 15 رائونڈ، چار موبائل فون اور کچھ نقدی برآمد ہوئی ہے۔افسر نے مزید کہا کہ بازیابی کے بعد، ان کے خلاف غیر قانونی سرگرمیاں (روک تھام)ایکٹ (یو اے پی اے) اور اسلحہ ایکٹ کی متعلقہ دفعات کے تحت مقدمہ درج کیا گیا ہے، اور مزید تفتیش شروع کر دی گئی ہے۔
