نگران نیوز
سری نگر// سری نگر کے کرالہ کھڈ علاقے میں پولیس نے منگل کو ایک چیکنگ آپریشن کے دوران دو غیر مقامی افراد( میاں بیوی) کو گرفتار کیا اور ان کے قبضے سے ہیروئن برآمد کی۔گرفتار افراد کی شناخت مینو اہلیہ روشن علی عمر تقریبا ً45 سال اور اسکا بیٹامنان احمد شیخ ولد روشن علی عمر تقریباً 29 سال کے طور پر ہوئی ہے۔ دونوں اتر پردیش کے بجنور ضلع کے نجیب آباد کے رہنے والے ہیں۔پولیس کے مطابق دونوں کو معمول کی چیکنگ کے دوران روکا گیا جس کے دوران ان سے ہیروئن برآمد ہوئی۔ بازیابی کے بعد دونوں افراد کو حراست میں لے لیا گیا۔پولیس نے بتایا کہ ایف آئی آر نمبر 19/2026 کے تحت پولیس اسٹیشن کرالہ کھڈ میں(این ڈی پی ایس ایکٹ کے تحت مقدمہ درج کیا گیا ہے۔ادھرجنوبی کشمیر کے اننت ناگ ضلع میں پولیس نے منگل کو ہنگول ریسٹورنٹ کے قریب کیہریبل روڈ پر معمول کے ناکے کی چیکنگ کے دوران ایک شخص کو گرفتار کیا۔ ملزم کی شناخت محمد عباس ریشی ولد غلام محی الدین سکنہ کہری بل کے نام سے ہوئی، کو دوران چیکنگ روک لیا گیا۔ دوران تلاشی اس کے قبضے سے 250 گرام چرس پاڈر برآمد ہوا۔ملزم کو حراست میں لے لیا گیا۔ اس سلسلے میں ایف آئی آر نمبر 46/2026 قانون کی متعلقہ دفعات کے تحت تھانہ مٹن میں درج کر کے تفتیش شروع کر دی گئی ہے۔
