نگران نیوز
سری نگر//جموں و کشمیر کے انسداد بدعنوانی بیورو (ACB)نے جمعہ کو سرینگر میں پولیس کے ایک ہیڈ کانسٹیبل کو مبینہ طور پر رشوت طلب اور قبول کرنے کے الزام میں گرفتار کیا۔ پرویز احمد کیخلاف، ایک مقامی باشندے کی شکایت پر اے سی بی کی طرف سے کارروائی کے دوران اسے پکڑا گیا۔ شکایت میں الزام لگایا گیا تھا کہ پولیس اہلکار ایک سرکاری معاملے کے سلسلے میں غیر قانونی مراعات حاصل کرنے کا خوہشمند ہے۔شکایت پر کارروائی کرتے ہوئے، اے سی بی کی ٹیم نے بٹہ مالو علاقے میں ایک جال بچھا کر ملزم کو رنگے ہاتھوں گرفتار کیا جبکہ مبینہ طور پر 5,000 روپے نقد کے ساتھ ساتھ 35,000 روپے کا چیک بھی ضبط کیا۔ انہوں نے بتایا کہ رشوت کی رقم آزاد گواہ کی موجودگی میں موقع پر برآمد کی گئی۔انسداد بدعنوانی ایکٹ کی متعلقہ دفعات کے تحت مقدمہ درج کر لیا گیا ہے۔
