نگران نیوز
بڈگام//جاری نشا مکت جموں و کشمیر ابھیان کے تحت منشیات کی سمگلنگ کے خلاف کریک ڈائون کو جاری رکھتے ہوئے، بڈگام پولیس نے جمعرات کو چاڈورہ علاقے میں دو مبینہ منشیات فروشوں کی تقریباً 80 لاکھ روپے کی جائیداد ضبط کی۔پولیس حکام کے مطابق ایک منزلہ رہائشی مکان کی مالیت تقریباً 30 لاکھ روپے ہے۔غلام نبی وانی ولد غلام محمد وانی ساکن چترو ڈانگر پورہ چاڈورہ کو ایف آئی آر نمبر 181/2025 کے سلسلے میں این ڈی پی ایس ایکٹ کی دفعہ 8/20/29 کے تحت پولیس سٹیشن چاڈورہ میں منسلک کیا گیا ۔پولیس نے بتایا کہ گزشتہ سال کیس کی تحقیقات کے دوران احاطے سے 300 کلو گرام پوست کی بھوسی/فوکی برآمد ہوئی تھی۔ تحقیقات میں مزید انکشاف ہوا کہ یہ جائیداد مبینہ طور پر منشیات کی سمگلنگ سے حاصل ہونے والی رقم سے حاصل کی گئی تھی اور اسے ممنوعہ اشیا کی ذخیرہ اندوزی، پروسیسنگ اور تقسیم کے لیے استعمال کیا جا رہا تھا۔ایک اور کارروائی میں، بڈگام پولیس نے تقریباً 50 سے 55 لاکھ روپے مالیت کا ایک دو منزلہ رہائشی مکان ضبط کیا جس کا تعلق ہسی پورہ چاڈورہ کے رہنے والے محمد ہاشم رینہ ولد عبدالصمد کا ہے۔جائیداد کو ایف آئی آر نمبر 35/2026 کے سلسلے میں منسلک کیا گیا تھا جو پولیس اسٹیشن چاڈورہ میں این ڈی پی ایس ایکٹ کی دفعہ 8/20 کے تحت درج کی گئی تھی۔ عہدیداروں نے بتایا کہ کیس کی تحقیقات کے دوران گزشتہ ماہ چاڈورہ کے کسرمولہ گاں میں ایک بینڈ آرا مل سے 9 کلو گرام سے زیادہ چرس نما مادہ برآمد کیا گیا تھا۔پولیس نے کہا کہ یہ کارروائی این ڈی پی ایس ایکٹ کی متعلقہ دفعات کے تحت منشیات کے نیٹ ورکس کو ختم کرنے اور منشیات کی غیر قانونی تجارت کے ذریعے بنائے گئے اثاثوں کو نشانہ بنانے کی جاری کوششوں کے ایک حصے کے طور پر کی گئی۔
