نگران نیوز
سرینگر// لیفٹیننٹ گورنر منوج سنہا نے پیر کو یہاں پانتہ چھوک میں امرناتھ شرائن بورڈ (SASB) یاتری نواس میں جاری تعمیراتی کاموں اور یاتریوں کی سہولیات کا جائزہ لیا۔سنہا نے یاتری نواس کا دورہ کیا اور عہدیداروں سے بات چیت کی۔ انہوں نے انہیں ہدایت دی کہ وہ پیش رفت کو تیز کریں اور امرناتھ یاترا کے آغاز سے قبل زیر التوا کاموں کی تکمیل کو یقینی بنائیں۔ ایک سرکاری ترجمان نے بتایا کہ ایل جی نے امر ناتھ کے لیے وقف سانڈ اینڈ لائٹ شو کے انتظامات کا بھی جائزہ لیا۔لیفٹیننٹ گورنر کے ساتھ سی ای او ایس اے ایس بی ایم کے بھنڈاری، بورڈ ممبر مکیش گرگ اور سری نگر ضلع کے سینئر پولیس اور سول انتظامیہ کے افسران بھی تھے۔جنوبی کشمیر میں امرناتھ کے مقدس غار کی سالانہ یاترا 3 جولائی کو شروع ہوگی اور 57 دنوں کے بعد 28 اگست کو اختتام پذیر ہوگی۔
