نگران نیوز
نئی دہلی//ملک بھر میں منگل کو پیٹرول اور ڈیزل کی قیمتوں میں ایک بار پھر 90 پیسے فی لیٹر تک اضافہ کیا گیاجو ایک ہفتے سے بھی کم عرصے میں ایندھن کی قیمتوں میں دوسرا اضافہ ہے۔ قومی دارالحکومت دہلی میں پٹرول کی قیمت 97.77 روپے فی لیٹر سے بڑھ کر 98.64 روپے فی لیٹر ہو گئی، جب کہ ڈیزل کی قیمت 90.67 روپے فی لیٹر سے بڑھ کر 91.58 روپے فی لیٹر ہو گئی۔تازہ ترین نظرثانی جمعہ کو ایندھن کی قیمتوں میں 3 فی لیٹر اضافے کے چند دن بعد ہوئی ہے۔ایندھن کی قیمتوں میں تازہ اضافے سے ٹرانسپورٹ کے اخراجات اور تمام شعبوں میں مارکیٹ کی مجموعی قیمتوں پر اثر پڑنے کی توقع ہے۔صرف چار روز قبل پیٹرول اور ڈیزل میں فی لیٹر 3روپے کا اضافہ کیا گیا تھا۔
