نگران نیوز
سری نگر//جاری نشا مکت جموں و کشمیر ابھیان کے تحت منشیات کی سمگلنگ کے خلاف اپنے تیز کریک ڈائون کو جاری رکھتے ہوئے، سری نگر پولیس نے پیر کے روز شہر کے پارم پورہ علاقے میں ایک مبینہ منشیات فروش کی سات مرلے کی تقریباً 1.50 کروڑ مالیت کی زمین کے ساتھ ملحقہ ایک رہائشی مکان کو ضبط کیا۔پولیس نے ملزم کی شناخت اویس امین ڈینٹھو ولد محمد امین ڈینٹھو ساکنہ پارم پورہ کے طور پر کی۔حکام کے مطابق، جائیداد کو این ڈی پی ایس ایکٹ کی متعلقہ دفعات کے تحت ایف آئی آر نمبر 32/2026 کے سلسلے میں منسلک کیا گیا تھا جو این ڈی پی ایس ایکٹ کی دفعہ 8/22 اور 29 کے تحت پولس اسٹیشن پارم پورہ میں درج کی گئی تھی۔تفتیش کے دوران، پولیس نے ثابت کیا کہ جائیداد مبینہ طور پر منشیات کی غیر قانونی سمگلنگ کی سرگرمیوں سے حاصل ہونے والی رقم سے حاصل کی گئی تھی۔ عہدیداروں نے کہا کہ یہ کارروائی منشیات کے نیٹ ورک کو ختم کرنے اور معاشرے میں منشیات کے استعمال کی بڑھتی ہوئی لعنت کو روکنے کے لئے سری نگر پولیس کی مسلسل کوششوں کا حصہ ہے۔
