پی آئی بی
نئی دہلی//وزیر اعظم نریندر مودی نے اتوار کو ملک بھر میں بڑھتے ہوئے درجہ حرارت کو دیکھتے ہوئے لوگوں سے ہائیڈریٹ رہنے کی اپیل کی۔اپنے ماہانہ ریڈیو نشریات من کی بات میں، انہوں نے کہا کہ لوگوں کو دھوپ میں نکلتے وقت اضافی احتیاط کرنی چاہیے۔انہوں نے کہا”ملک کے بیشتر حصوں میں درجہ حرارت میں اضافے کے ساتھ، اضافی احتیاط کرنا ضروری ہے ، ہائیڈریٹڈ رہیں، اگر آپ کو دھوپ میں باہر نکلنے کی ضرورت ہے، تو احتیاط سے کریں اور ضروری احتیاطی تدابیر اختیار کریں،” ۔انہوں نے کہا”پانی پیتے رہیں، اس سلسلے میں مختلف سرکاری محکموں کی طرف سے جاری کردہ رہنما خطوط کو بھی نہ بھولیں،” ۔وزیر اعظم مودی نے گزشتہ بدھ کو بھی شہریوں پر زور دیا تھا کہ وہ زیادہ سے زیادہ احتیاط برتیں کیونکہ ملک میں درجہ حرارت بڑھتا جا رہا ہے، اور کہا کہ ایسے سخت موسم کے دوران ہائیڈریٹ رہنا اہم ہے۔مودی نے پھلوں کے بادشاہ کا بھی حوالہ دیتے ہوئے کہا کہ شاید ہی کوئی گھر ہو جہاں گرمیوں کے موسم میں آم کی بات نہ ہو۔وزیر اعظم نے کہا کہ ہماری حکومت ہندوستان کے انمول ورثے کے مقامات کو محفوظ رکھنے کے لیے مسلسل کوششیں کر رہی ہے۔انہوں نے کہا کہ ہم ہندوستانیوں کو فلکیات کے لیے ہمیشہ سے ایک خاص دلچسپی رہی ہے۔ ہمارے ملک میں صدیوں پرانی رسد گاہیں اب بھی موجود ہیں۔ یہاں حیرت انگیز ریاضیاتی دریافتیں کی گئی ہیں۔ نیویگیشن ہو، تقویم ہو یا ہمارے تہوار، ان سب کا تعلق آسمان اور ستاروں سے ہے۔
