نگران نیوز
سری نگر//مرکزی حکومت نے لوک سبھا کو بتایا ہے کہ فی الحال ملک کے ہر ضلع، بشمول جموں و کشمیر، میں پاسپورٹ دفتر قائم کرنے کی کوئی تجویز زیر غور نہیں ہے۔وزارتِ خارجہ کے وزیر مملکت کیرتی وردھن سنگھ نے کہا کہ پاسپورٹ خدمات کی توسیع ایک مسلسل عمل ہے اور اس کا فیصلہ مختلف عوامل، جن میں موجودہ پاسپورٹ سیوا کیندروں اور پوسٹ آفس پاسپورٹ سیوا کیندروں کی استعداد، موجودہ مراکز سے فاصلہ، متعلقہ علاقے میں پاسپورٹ درخواستوں کی تعداد اور مقامی ضروریات شامل ہیں، کو مدنظر رکھتے ہوئے کیا جاتا ہے۔یو این ایس کے مطابق وزارت کے مطابق جموں و کشمیر میں اس وقت دو ریجنل پاسپورٹ دفاتر جموں اور سری نگر میں قائم ہیں۔ اس کے علاوہ جموں اور سری نگر میں دو پاسپورٹ سیوا کیندر بھی کام کر رہے ہیں۔بیان میں کہا گیا کہ یونین ٹیریٹری میں پانچ پوسٹ آفس پاسپورٹ سیوا کیندر بھی فعال ہیں، جو کٹھوعہ، راجوری، ادھم پور، اننت ناگ اور بارہمولہ میں خدمات انجام دے رہے ہیں۔
