نگران نیوز
سری نگر// جموں و کشمیرکی قانون ساز اسمبلی کا آئندہ خزاں اجلاس 21 ستمبر 2026 سے شروع ہوگا۔ اس اجلاس میں کاغذی کارروائی کے بجائے زیادہ تر کام آن لائن کیا جائے گا۔ محکمہ قانون، انصاف اور پارلیمانی امورجموں وکشمیر کی جانب سے جاری ایک سرکیولر میں کہا گیا ہے کہ جموں و کشمیرکی قانون ساز اسمبلی کا یہ اجلاس نیشنل ای،ودھان ایپلی کیشن (NeVA) کے ذریعے چلایا جائے گا۔ یعنی اسمبلی کے کام، سوالات، بل اور دیگر کارروائی کیلئے کاغذی فائلوں کے بجائے آن لائن نظام استعمال ہوگا۔تمام سرکاری محکموں کو ہدایت دی گئی ہے کہ اسمبلی میں پوچھے گئے سوالات کے جوابات، بلوں اور دیگر اسمبلی معاملات سے متعلق ضروری معلومات صرف NeVA پورٹل کے ذریعے آن لائن جمع کرائیں۔تمام محکموں سے یہ بھی کہا گیا ہے کہ وہ روزانہ اپنےNeVA اکاو نٹس چیک کریں اور ایک نوڈل افسر مقرر کریں، جو اسمبلی اور متعلقہ محکمے کے درمیان رابطہ کاری کا کام کرے گا۔21 ستمبر2026 سے شروع ہونے والے اسمبلی اجلاس میں کاغذی کارروائی کم کرکے آن لائن نظام کے ذریعے اسمبلی کا کام کیا جائے گا۔
