نگران نیوز
سر ی نگر//جموں و کشمیر کے لیفٹیننٹ گورنر منوج سنہا نے ٹنگڈارکرناہ میںآنکھوں کے علاج کے کامیاب کیمپ کے انعقاد پر مسلح افواج کی تعریف کی۔جے کے این ایس کے مطابق جموں و کشمیر کے لیفٹیننٹ گورنر منوج سنہا نے ہفتے کے روز مسلح افواج کی جانب سے کرناہ کے علاقے ٹنگڈار میںآپریشن درشتی کے تحت آنکھوں کی سرجری کے ایک بڑے کیمپ کے کامیاب انعقاد پر انہیں سراہا۔ اس کیمپ میں220 افراد کی آنکھوں کی سرجری کی گئی۔ سوشل میڈیا پلیٹ فارمایکسپر ایک پوسٹ میں لیفٹیننٹ گورنر منوج سنہا نے کہاکہ ایک مشکل سرحدی علاقے میں زیر زمین آپریشن تھیٹر میں 220 لوگوں کی بینائی بحال کرنا ایک شاندار کارنامہ ہے۔انہوں نے کہا کہ بریگیڈیئر سنجے کمار مشرا کی قیادت میں طبی ٹیم نے دور دراز سرحدی علاقوں تک آنکھوں کی جدید طبی سہولیات پہنچا کرآپریشن سدبھاوناکے جذبے کا عملی مظاہرہ کیا۔لیفٹیننٹ گورنرمنوج سنہا نے ایکسپر ایک پوسٹ میں کہاکہ بریگیڈیئر سنجے کمار مشرا کی قیادت میں طبی ٹیم کا عزم و استقلال آپریشن سدبھاوناکے حقیقی جذبے کی عکاسی کرتا ہے۔انہوں نے مزید کہاکہ دور دراز سرحدی بستیوں تک آنکھوں کی جدید سرجری کی سہولیات پہنچانا،جن میں موتیابندیاجلالہ (phacomulsification)، ریٹینا اور گلوکوما کے طریقہ کار شامل ہیں،اس بات کو یقینی بناتا ہے کہ کوئی بھی شہری طبی سہولیات سے محروم نہ رہے۔
