سری نگر:ملک کے75ویں یوم آزادی کے موقعہ پر 15،اگست کوجموں وکشمیرمیںباقی انتظامات کے ساتھ ساتھ سیکورٹی کے سخت انتظامات کو مکمل کر دئے گئے ہے ۔ اس دوران سرینگر کے لالچوک اور گرد ونواح کی فضائی نگرانی کیلئے ڈرونوں کا کامیاب تجربہ کیا گیا ہے جس دوران یہاں راہ گیروں اورمسافروں کی جامہ تلاشی لینے کے ساتھ ساتھ ان کے شناکٹی کارڑ بھی چیک کئے گئے ہیں۔ادھر ذرائع سے معلوم ہوا کہ شہر میںمیں 15اگست کے موقع پر فضائی نگرانی کے لیے ڈرون کیمروں کا استعمال کیا جائے ۔کشمیر نیوز سروس (کے این ایس )کے مطابق جموں و کشمیر خاص کر وادی کشمیر میں75ویں یوم آزادی کے موقعہ پر 15،اگست کوجموں وکشمیرمیں منعقد ہونے والی تقریبات کو پر امن اور احسن طریقے سے منعقد کرنے کے لئے وادی کشمیر کے دیگر علاقوں کے ساتھ ساتھ شہر سرینگر میں سیکورٹی کے سخت انتظامات کومکمل کیا گیا ہے۔ جمعرات کو شہر سرینگر میں راہ چلتے راہ گیروں مسافروں کے علاوہ باقی لوگوں کو جامہ تلاشیاں اوران کے شناکٹی کارڑ بھی چیک کئے گئے ہیں ۔ کشمیر نیوز سروس سٹی رپوٹر نے بتایا جموں و کشمیر پولیس نے جمعرات کو15 اگست کی تقریب کے دوران لالچوک اور گرو و نواح کی فضائی نگرانی کے لیے استعمال ہونے والے ڈرونوں کا کامیاب تجربہ کیا۔انہوں نے بتایا ایک درجن سے زیادہ ڈورون 75ویں یوم آزادی کے موقع پر سری نگر شہر کی فضائی نگرانی کریں گے ۔اطلاعات کے مطابق سری نگر کے شیر کشمیر کرکٹ اسٹیڈیم میں ہونے والی تقریب کے لیے مرکزی مقام اور اس کے ارد گرد علاقے کی فضائی نگرانی کیلئے کم سے کم دس ڈرون استعمال کیے جائیں گے۔ ایجنسی کے مطابق ، پولیس اسٹیشن کوٹھی باغ کی ایک ٹیم نے ماہرین کے ہمراہ سٹی سینٹر لال چوک کے پرتاپ پارک میں آج ان ڈرونز کا تجربہ کیا۔پولیس ٹیم کی قیادت ایس پی ہیڈ کوارٹر محمد عارف شاہ کر رہے تھے۔ حکام نے بتایا کہ ڈرونز کا لالچوک کے آس پاس 2کلومیٹر علاقے کی نگرانی کا کامیاب تجربہ کیا گیا۔پولیس کے ایک عہدیدار نے بتایا’’ ہمارے پاس دس جدید ترین ڈرون ہیں جو سرینگر میں یوم آزادی کے مرکزی مقام اور اس کے ارد گرد فضائی نگرانی کے لیے استعمال کیے جائیں گے‘‘۔ان کا مزید کہنا تھا’’فضائی نگرانی مشتبہ افراد پر کڑی نظر رکھنے میں مدد دیتی ہے۔ یہ ملٹی لیئر سیکورٹی کور کو مزید مضبوط بنانے میں بھی مدد کرتا ہے‘‘۔یوم آزادی اور یوم جمہوریہ کے پیش نظر جموں و کشمیر میں سیکورٹی کے سخت انتظامات کیے جاتے ہیں۔ حفاظتی اہلکاروں نے اس مرتبہ یوم آزادی کی تقریب کے دوران شیر کشمیر کرکٹ اسٹیڈیم، سرینگر اور اس کے گرد و نواح میں فضائی نگرانی کے لیے ڈرون کیمروں کے استعمال کا فیصلہ کیا ہے۔سرینگر: یوم آزادی کی تقریب سے قبل ڈرون کیمروں کا ٹرائل رن اس ضمن میں جمعرات کو حفاظتی اہلکاروں نے سرینگر میں فضائی نگرانی کے لیے ڈرون کیمروں کے ٹرائل رن کے دوران کہا کہ 15 اگست یوم آزادی کی تقریب کے دوران اسٹیڈیم کے گرد و نواح میں تقریباً دو کلومیٹر کے علاقے کی نگرانی کے لیے 12 ڈرون کیمروں کا استعمال کیا جائے گا۔واضح رہے کہ گزشتہ روز جموں و کشمیر پولیس کے سربراہ دلباغ سنگھ نے پہاڑی ضلع کشتواڑ میں سیکورٹی صورتحال کا جائزہ لینے کے بعد میڈیا کو بتایا تھا کہ پاکستان اور اس کے حامی جموں و کشمیر میں ایک بڑا حملہ کرنے کی تاک میں ہیں۔مزید پڑھیں: کٹھوعہ: پولیس لائنز میں پولیس اہلکاروں کے درمیان جھڑپ، ہیڈ کانسٹیبل ہلاک15اگست سے قبل سرینگر سمیت جموں و کشمیر کے بیشتر اضلاع میں سیکورٹی انتظامات میں اضافہ کیا گیا ہے۔ راہگیروں اور گاڑیوں کی تلاشی کا سلسلہ بھی جاری ہے۔خیال رہے بدھ کے روز۔محکمہ برائے عمومی انتظامیہ یعنی جنرل ایڈمنسٹریشن ڈیپارٹمنٹ کی جانب سے جاری ایک آرڈر میں کہاگیاہے کہ جموں وکشمیرمیں یوم آزادی کی سب سے بڑی سرکاری تقریب شیرکشمیرکرکٹ اسٹیڈیم واقع سونہ وار سری نگرمیں منعقد ہوگی ،جہاں لیفٹنٹ گورنر منوج سنہا،ترنگا لہرانے کیساتھ مہمان خصوصی کی حیثیت سے پولیس وفورسزدستوں،این سی سی کیڈٹس اوراسکولی بچوں وبچیوں کے مارچ پاسٹ پرسلامی بھی لیں گے ۔اس دوران معلوم ہواکہ ایس کے سی اسٹیڈیم سری نگرمیں یوم آزادی تقریب کیلئے انتظامات کوحتمی شکل دینے کے بعدضروری تیاریاں تیزی کیساتھ مکمل کی جارہی ہیں ۔معلوم ہواکہ شیرکشمیرکرکٹ اسٹیڈیم سری نگرمیں ہونے والی پریڈیامارچ پاسٹ میں جموں وکشمیرپولیس ،بی ایس ایف ،سی آرپی ایف ،ایس ایس بی ،آئی ٹی بی پی اوراین سی سی کیڈیٹس کے چاک وچوبنددستوں کیساتھ ساتھ مختلف اسکولوں کے طلاب بھی شرکت کررہے ہیں ۔