محکمہ موسمیات کی تازہ پیشگوئی،آج اور کل ہلکی بارشوں کا امکان

سرینگر:محکمہ موسمیات نے اپنی تازہ پیش گوئی میں کہا کہ وادی کشمیر میں آگے24گھنٹوں کے دوران میدانی و بالائی علاقوں میں بارشوں اور ہلکی برف باری کا امکان ہے جبکہ اس دوران معمول سے ہٹ کر سردی میں بھی اضافہ ہوگا ۔محکمہ کے ڈائر ایکٹر سونم لوٹس نے بتایا 3اور4نومبر کو موسم خشک رہنے کے بعدپھر بارشیں ہوں گے۔اس دوران حالیہ برف باری اور بارشوں سے متاثر کسانوں کو ایل جی جموںو کشمیر منوج سنہا نے ڈپٹی کمشنرز کو ہدایت کی کہ تمام متاثرہ کسانوں کو جلد از جلد ریلیف فراہم کیا جائے ۔کشمیر نیوز سروس ( کے این ایس ) کے مطابق پیر کی صبح سے وادی کشمیر میں آسمان ابر آلود رہا ہے جس دوران بعد دو پہر سے ٹھنڈ میں اضافہ ہوا ہے ۔جس کی وجہ سے لوگوں نے پھرایک بار گرم ملبوسات استعمال کرنا شروع کئے ہیں ۔ ادھر محکمہ موسمیات کے ڈائر ایکٹر سونم لوٹس نے کشمیر نیوز سروس کو بتایاپیر کو وادی میں موسم ابر آلود رہا ہے جبکہ پیر اور منگل کی درمیانی رات کو یہاں وادی کشمیر کے بالائی علاقوں میں ہلکی برف باری اور میدانی علاقوں میں بارشوں کے امکانات ہیں ۔انہوں نے بتایا یہ برف باری اور بارشیں گزشتہ دنوں کے بارشوں اور برف باری کی طرح نہیں ہوں گے ۔انہوں نے کہا یہ ہلکی بارشیں ہوں گے ۔ انہوں نے بتایا3اور4نومبر کو موسم خشک رہنے کے بعد5نومبر کو پھر بارشیں ہوں گے جو بھی ہلکی ہوں گے ۔انہوں نے کہا لوگوں کو گھبرانے کی کوئی ضرورت نہیں ہے ۔ خیال رہے حالیہ بارشوں اور برف باری نے میوہ صنعت کو شدید نققصان پہنچایا ۔اس دوران ایل جی جموںو کشمیرمنوج سنہا نے ملاقات کے دوران متعلقہ ڈپٹی کمشنرز کو ہدایت کی کہ حالیہ برف باری اور بارشوں سے تمام متاثرہ کسانوں کو جلد از جلد ریلیف فراہم کیا جائے۔ یہ ضروری ہے کہ ترجیحی بنیاد پر رقم براہ راست ان کے کھاتوں میں منتقل کی جائے۔ضلع کے انچارج سیکرٹریز متعلقہ اضلاع کا جائزہ لیں اور اس بات کو یقینی بنائیں کہ زمین پر موجود افسران لوگوں کی خدمت کریں، مناسب وقت کے اندر خدشات کو دور کریں، اور مرکزی اور UT اسکیم کے تمام فوائد مکمل شفافیت کے ساتھ پہنچائے جائیں۔