سری نگر:وزیراعظم دفترمیں تعینات مرکزی وزیر مملکت ڈاکٹر جتندر سنگھ نے جموں وکشمیر کے نوجوانوںکوسرکاری ملازمتوںکے بجائے خودروزگار پرتوجہ مرکوز کرنی چاہئے ۔انہوںنے کہاکہ اگست2019 سے انتظامی اور آئینی حالات میں بہتری آئی ہے لیکن جموں وکشمیر کے نوجوانوں کی ذہنیت اب بھی وہی ہے۔جے کے این ایس کے مطابق مرکزی وزیر مملکت (آزادانہ چارج) سائنس اور ٹیکنالوجی جتیندر سنگھ نے منگل کونئی دہلی میں کہا کہ جموں و کشمیر کے نوجوانوں کو زیادہ کمانے کیلئے اپنی ذہنیت کو بدلنا چاہیے کیونکہ اگست2019 سے انتظامی اور آئینی حالات میں بہتری آئی ہے۔ڈاکٹر جتندرسنگھ نے کہاکہ سرکاری ملازمتوں کے لئے احتجاج کرنے میں وقت ضائع کرنے کے بجائے، جموں و کشمیر کے نوجوانوں کو اپنی سوچ بدلنی چاہیے اور زیادہ کمانے اور روزگار فراہم کرنے کے لیے اسٹارٹ اپ کے بارے میں سوچنا چاہیے۔انہوں نے کہاکہ اگست 2019 سے جموں وکشمیرکے انتظامی اور آئینی معاملات میں بہتری آئی ہے۔انہوںنے کہاکہ ، لیکن ذہنیت اب بھی وہی ہے، ملک بھر میں نئے سٹارٹ اپ پروان چڑھے ہیں لیکن جموں و کشمیر اس طرح ترقی نہیں کر پائے ہیں۔جموں و کشمیر میں شروع کئے گئے اروما مشن کی ایک مثال دیتے ہوئے مرکزی وزیر نے کہاکہجس خوشبو مشن کا پورے ملک میں چرچا ہو رہا ہے، اسے انڈین انسٹی ٹیوٹ آف انٹیگریٹڈ میڈیسن (آئی آئی آئی ایم) نے شروع کیا ہے۔ لیکن جموں وکشمیر کے لوگ اس سے زیادہ واقف نہیں ہیں۔انہوں نے نوجوانوں کو سرکاری نوکریوں کے مطالبے پر احتجاج کرنے پر مزید تنقید کا نشانہ بنایا اور کہاکہ ایک طرف، یہاں کے نوجوان سرکاری نوکریوں کا مطالبہ کرتے ہوئے دھرنے پر بیٹھے ہیں، وہیں دوسرے لوگ بھی خوشبو مشن اور زراعت کے نئے آغاز کی مدد سے بہت زیادہ کما رہے ہیں۔مرکزی وزیر مملکت (آزادانہ چارج)جتیندر سنگھ نے مزید کہاکہ ہم نے گلمرگ، ریاشی اور ادھم پور جیسے اضلاع میں زراعت کے تین سے چار کلسٹر بنائے ہیں جہاں سالانہ تقریباً 4 سے 5کروڑ روپے کی تجارت ہو رہی ہے۔لیوینڈر، روزمیری اور لیمون گراس جیسے خوشبودار پودوں اور اشوگندھا اور ستاور جیسے دواؤں کے پودوں کی کاشت کو فروغ دینے کی کوشش میں، وزیر اعظم نریندر مودی نے مارچ 2018 میں ’عروما مشن‘ کا آغاز کیا۔انہوںنے کہاکہ خوشبو مشن کا مقصد کسانوں کو فصل کی پیداوار میں متبادل انتخاب دینا تھا جیسے روایتی فصلیں، جو انہیں کم منافع دے رہی ہیں۔مرکزی وزیر نے کہاکہ یہ خوشبودار پودے بہت منافع بخش ہو سکتے ہیں کیونکہ کسان بیس ہزار روپے فی کنال تک کما سکتے ہیں جو کہ وہ روایتی پودوں یا فصلوں سے حاصل کرنے کی کبھی امید نہیں کر سکتے۔
