سری نگر، 9 جنوری……….سری نگر جموں قومی شاہراہ بند رہنے کے باعث 6 افراد کی لاشیںبھی بانہال میں درماندہ پڑی ہوئی ہے۔ذرائع نے بتایا کہ بھاری برف باری اور موسلا دار بارشوں کے سبب جموں سری نگر شاہراہ دوسرے روز بھی ٹریفک کی آمدورفت کے لئے بند رہی۔ذرائع کے مطابق ایک ہزار کے قریب چھوٹی بڑی گاڑیاں شاہراہ پر درماندہ ہے اور چھ گاڑیاں ایسی بھی ہیں جن میں 6افراد کی لاشیں موجود ہیں۔ذرائع نے بتایا کہ کپواڑہ سے تعلق رکھنے والے ایک نوجوان کی لاش بھی شاہراہ پر درماندہ ہے۔ا±ن کے مطابق شاہراہ کو قابل آمدورفت بنانے کی خاطر اگر چہ جنگی بنیادوں پر کام شروع کیا گیا ہے لیکن اس کے باوجود بھی شاہراہ مسلسل دو روز سے بند پڑی ہوئی ہے۔سرکاری ذرائع نے بتایا کہ لاشوں کو سب ضلع ہسپتال رام بن میں رکھا گیا ہے اور جونہی شاہراہ کو ٹریفک کی آمدورفت کیلئے کھولا جائے گا تو ان لاشوں کو بھی منزل مقصود کی طرف روانہ کیا جائے گا۔انہوں نے بتایا کہ شاہراہ پر درماندہ مسافروں تک کھانے پینے کی اشیاء پہنچائی جارہی ہیں۔ (یو این آئی)
