قومی خبریں بی جے پی نے بنگال انتخابات میں کم از کم 45 افراد کی ہلاکت کا دعویٰ کیا، ممتا کو بے رحم قرار دیا 2023-07-11
قومی خبریں بائیوٹیک اسٹارٹ اپ ہندوستان کی مستقبل کی معیشت کے لیے اہم ہیں۔ ڈاکٹر جتیندر سنگھ 2023-07-08
تازہ ترین کشمیری مٹن تاجروں کی پریشانی کے معاملے پر محبوبہ مفتی کی پنجاب کے وزیر اعلیٰ سے بات چیت 2026-06-23
جموں کشمیر بارہمولہ اور بجبہاڑہ میں 2کمسن بچیاں لقمہ اجل،فورسز گاڑی کی ٹکر اور کرنٹ لگنے سے 2 شہری ہلاک، نوجوان کی لاش بر آمد نگران نیوز سری نگر// شمالی کشمیر کے کپواڑہ ضلع کے رینان کرالہ گنڈ علاقے میں پیر کے روز حادثاتی طور پر پانی کی ٹینک میں گرنے سے ایک چار سالہ بچی کی موت ہوگئی۔ متوفی کی شناخت صابرہ جاوید (4) دختر جاوید اقبال لون فتح گڑھ، بارہمولہ کے طور پر کی گئی ہے۔حکام نے بتایا کہ نابالغ دوپہر کے وقت رینان کرالگنڈ میں اپنی رہائش گاہ کے قریب کھیلتے ہوئے پانی کے ٹینک میں گر گئی۔ادھر بجبہاڑہ کے گڈی شیر علاقے میں پیر کو اپنے گھر کی چھت پر کھیلتے ہوئے ایک 10 سالہ لڑکی کی گردن پر شدید چوٹ لگنے سے موت ہو گئی۔متوفی کی شناخت تفیدہ خورشید کے نام سے ہوئی ۔حکام نے بتایا کہ لڑکی کو اپنی رہائش گاہ کی چھت پر کھیلتے ہوئے چوٹ آئی۔ادھرایک نوجوان جو 9 جون سے اپنے گھر سے لاپتہ تھا ، شوپیاں ضلع میں ریشی نگری اڈہ کے قریب وشو نالہ سے اس کی لاش برآمد ہوئی۔ایک اہلکار نے بتایا کہ متوفی کی شناخت عمران ڈوئی ولد محمد اسلم ڈوئی کے طور پر ہوئی ہے جو سیدھو گائوں کا رہائشی ہے۔ مقامی لوگوں کے مطابق وہ ذہنی طور پر غیر مستحکم تھا۔اہلکار نے بتایا کہ عمران 9 جون کو اپنے گھر سے لاپتہ ہوگیا تھا، ۔ادھرسری نگر کے نائد کدل علاقے میں پیر کو بجلی کا جھٹکا لگنے سے ایک 65 سالہ خاتون کی موت ہوگئی۔ خاتون علاقے میں شدید بارش کے دوران بجلی کے کھمبے کو چھونے کے بعد زندہ برقی کرنٹ کے ساتھ رابطے میں آئی۔ وہ شدید زخمی ہوئیں اور اسے فوری طور پر ہسپتال منتقل کیا گیا، جہاں ڈاکٹروں نے اسے مردہ قرار دے دیا۔متوفی کی شناخت شمیمہ مخدومی (65) کی حیثیت سے کی گئی ہے۔ادھر پیر کے روز قاضی گنڈ علاقے میں سی آر پی ایف کی گاڑی کی زد میں آکر ایک 55 سالہ شخص کی موت ہو گئی۔ قاضی گنڈ کے وائی کے پورہ گائوں میں سی آر پی ایف کی ایک گاڑی زیررجسٹریشن نمبر JK01M-6934 ، نے اس شخص کو ٹکر مار دی، جس سے وہ شدید زخمی ہوگیا۔اور بعد میں ڈاکٹروں نے اسے مردہ قرار دیا۔ اس کی شناخت گل محمد ایتو ولد عبدالرحیم ایتو ساکن وائی کے پورہ قاضی گنڈ کے طور پر کی گئی۔ 2026-06-23
