سری نگر//جموںو کشمیر میں 10جنوری سے شروع ہونے والی برف باری اور بارشوں کا سلسلہ تھم گیا جس کے ساتھ ہی وادی کا بیرون دنیاکے ساتھ زمینی و ہوائی رابطہ سنیچر کی صبح سے باضابط طور بحال ہوا ہے ۔اس دوران جمعہ کے روز ہوئی بھاری برف بارے کے کے نتیجے میں بجلی اور پانی کی سپلائی کے علاوہ رابطہ سڑکیں جہاں جہاں متاثر ہوئی ہے انہیں بھی شام تک بحال کیا تھا اورمعمول کی زندگی پٹری پر لوٹ آئی ہے ۔سری نگر،14 جنوری: وادی کشمیر کا بیرونی دنیا کے ساتھ زمینی و فضائی رابطہ ہفتے کو ایک روز بعد بحال ہوگیا۔محکمہ موسمیات نے بتایا 18جنوری تک موسم خشک رہنے کا امکان ہے ۔کشمیر نیوز سروس( کے این ایس) کے مطابق جموںو کشمیر میں 10جنوری سے شروع ہونے والے برف باری اور بارشوں کا سلسلہ تھم گیا ہے اور لوگوں نے برف باری اور بارشیں ہونے پر خوشی کا اظہار کیا ہے ۔اس دوران جمعہ کے روز وادی کے میدانی و بالائی علاقوں میں شدید برف باری اور بارشوں کی وجہ سے معمولات کی زندگی پٹری پر دوبارہ لوٹ آئی ہے جبکہ ہفتے کو سری نگر بین الاقوامی ہوائی اڈے پر پروازوں کا سلسلہ بحال ہوگیا وہیں سری نگر – جموں قومی شاہراہ پر بھی ٹریفک کی نقل و حمل بحال کر دی گئی۔ائیر پورٹ حکام کے مطابق سری نگر ہوائی اڈے کی رن وے سے برف ہٹایا گیا ہے۔انہوں نے کہا کہ ہوائی اڈے پر پہلی پرواز دلی سے دوپہر تک آئی گی۔ان کا کہنا تھا کہ جمعہ کو پروازیں معطل رہنے کے باعث ہفتے کو زیادہ تعداد میں پروازیں آنے کا امکان ہے۔دریں اثنا وادی کشمیر کو ملک کے باقی حصوں کے ساتھ جوڑنے والی سری نگر- جموں قومی شاہراہ پر ٹریفک ہفتے کو ایک روز بعد بحال کر دیا گیا۔ٹریفک حکام نے بتایا کہ قومی شاہراہ پر چھوٹی گاڑیوں کی دو طرفہ آوا جاہی کی اجازت ہے۔انہوں نے کہا کہ قومی شاہراہ پر رام بن کے مہر اور دیگر علاقوں میں چٹانیں اور مٹی کے تودے گر آئے تھے جس کے بعد اس پر ٹریفک بند کر دیا گیا تھا۔ان کا کہنا تھا کہ شاہراہ کو قابل آمد و رفت بنانے کے لئے افرادی قوت اور مشینری کو کام پر لگا دیا گیا تھا۔وادی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والے تاریخی مغل روڈ ٹریفک کی نقل و حمل کے لئے پہلے ہی بند ہے جبکہ سری نگر- لیہہ شاہراہ پر بھی ٹریفک کو معطل کر دیا گیا ہے۔ادھر جمعہ کی شدید برف باری کی وجہ سے وادی کشمیر کے اکثر علاقوں میں رابط سڑکوں پر مسلسل برف باری کی وجہ سے سڑکوں پر برف جمع ہوئی تھی جس کوصاف کرنے کا سلسلہ سنیچر کی صبح سے شروع کیا گیا ہے جو سلسلہ شام تک جاری تھا اور حکام کا کہنا تھا کہ سبھی چھوٹی بڑی سڑکوں قابل آمد رفت بنایا جائے گا ۔ادھر شدید برف باری کے باعث یہاں کئی اضلاع میں بجلی سپلائی متاثر ہوئی تھی جس کو بحال کیا گیا تھا ادھر سب ضلع ترال میں جمعہ کی شام بجلی سپلائی متاثر ہوئی تھی جو بحال کیا گیا ہے جبکہ اننت ناگ کولگام ،شوپیان ،پلوامہ ،اونتی پورہ،کے علاوہ شمالی کشمیر میں بجلی سپلائی کو بحال کیا گیا ہے ۔سرکاری ذرائع نے بتایا کسی بھی علاقے میں بجلی سپلائی متاثر نہیں ہے جبکہ سڑکوں کو بھی قابل آمد رفت بنالیا گیا ہے ۔خیال رہے محکمہ موسمیات نے جموںو کشمیر میں 10جنوری سے13تک برف باری اور بارشوں کی پیش گوئی کی تھے جس دوران کشمیر میں شدید برف باری جبکہ جموں میں بارشیں ہوئی تھی تاہم کشتوڑا اور دیگر بالائی علاقوں میں برف باری ہوئی ہے اس دوران محکمہ موسمیات نے 18جنوری تک موسم خشک رہنے کی پیش گوئی کی تھی ۔بر وقت برف باری سے کسانوں کے چہرے کھل اٹھے انہوں نے کہا کہ برف باری سال بھر پانی رہنے کے علاوہ اب ندی نالوں اور چشموں کی شان رفت لوٹ آئے گی ۔
