مانیٹرنگ//
جموں //جموں و کشمیر وقف بورڈ نے جموں کے وقف سنٹرل آفس کمپلیکس میں پہلی بار یوم جمہوریہ کی تقریب کا انعقاد کیا جہاں بورڈ کی چیئرپرسن ڈاکٹر درخشاں اندرابی نے قومی پرچم لہرایا اور اجتماع سے خطاب کیا۔ اس تقریب میں وقف بورڈ کے تمام عملہ اور ممتاز اماموں اور سول سوسائٹی کے ارکان نے شرکت کی۔ اس موقع پر بورڈ ممبر سہیل کاظمی، سی ای او ڈاکٹر سید ماجد جہانگیر اور ایڈمنسٹریٹر مدثر اقبال بھی موجود تھے۔ اپنے خطاب میں ڈاکٹر اندرابی نے کہا، "ہمیں ہندوستانی کے طور پر پیدا ہونے پر فخر ہے۔ ہماری متحرک جمہوریت کی بنیاد پر مضبوط جامع ثقافتی بنیادیں ہیں اور ہم تنوع میں اتحاد کا جشن مناتے ہیں؛ اس طرح دنیا کو امن اور بقائے باہمی کا منتر سکھاتے ہیں”۔ ڈاکٹر اندرابی نے کہا کہ اب جموں و کشمیر کے باشندوں کی اکثریت اپنے ہاتھوں میں ترنگا فخر سے تھامے ہوئے ہے لیکن قومی تہواروں کو جوش و خروش سے مناتے ہیں اور یہ ان سیاستدانوں کے منہ پر طمانچہ ہے جو ہمیں ترنگے کی توہین کی دھمکیاں دیتے تھے۔ ڈاکٹراندرابی نے کہا، "اب 370 ختم ہو چکا ہے، خاندانی راج ختم ہو گیا ہے، علیحدگی پسندی کا سپورٹ سسٹم ختم ہو گیا ہے اور جموں و کشمیر کے شہریوں نے ثابت کر دیا ہے کہ جموں و کشمیر میں سات دہائیوں کی علیحدگی پسند حکومت کے بعد یو ٹی کا ہندوستان کے ساتھ مکمل انضمام حقیقت بن گیا ہے۔ انہوں نے وقف کے ایک متحرک ملازمین کو گزشتہ ایک سال کے دوران ان کی مثالی شراکت پر نوازا۔
